Jerusalemgo tranbiaren eraikuntzaren aurkako protesta egin dute Beasaingo CAF parean
Dozenaka lagun bildu dira larunbat honetan Beasaingo CAF enpresaren egoitzaren parean, konpainia horrek Jerusalemen eraikiko dituen tranbia linea berrien proiektuaren aurka protesta egiteko. Hiri Santua eta legez kanpoko asentamentuak lotuko dituzten tranbia linea berriak eraikiko ditu CAFek, eta kontratu horren kontra egiteko elkarretaratzea egin dute hainbat lagunek, langileek barne, CAFek Akziodunen Batzarra egin duen egun berean.
Jerusalem Ekialdea eta Okupatutako Palestinako Lurraldeetan kokatutako asentamentuak lotuko dituen tranbiaren luzapenak kritika anitz eragin ditu Europako Batzordearen, giza eskubideen aldeko hainbat elkarteren eta baita langileren partetik ere. Koronabirusa gorabehera, proiektuak aurrera jarraitzen du Jerusalemen, eta ez da atzerapenik izan.
Gaurko protestan parte hartu dutenek proiektu horri uko egiteko eskatu diote CAF enpresari, "Palestinaren aurkako erasoa" delakoan, eta "giza eskubideen urraketa". Gainera, Israelekin lotutako kontratu horrek etorkizunean kalterik ekarriko dieten beldur dira CAFeko langileak.
BIDEOA: CAF enpresak eraikiko dituen tranbiaren linea berrien lanak aurrera doaz Jerusalemen:
Akziodunen Batzar Nagusia
CAFek Akziodunen Batzar Nagusia egin du larunbat honetan. Idoia Zenarrutzabeitia kontseilari izendatu dute, KutxaBanken izenean, eta Mayoral arropa enpresari eserlekua eman diote, CAFeko % 5a erosi ostean. Manuel Dominguez de la Maza Mayoral enpresako jabeak hartuko du eserleku hori.
Osasun- eta ekonomia-krisia gorabehera, 9.000 milioi euroko eskariak ditu enpresak. Gainera, hainbat tren eraikitzeko kontratu batzuk ditu pendiente (adibidez, Erresuma Batukoa), edo Espainiako Renfeko Hurbileko trenak berritzeko kontratua.
CAFek jakinarazi duenez, alarma egoerari aurre egin dio enpresak aldi baterako lan-erregulazioko espedienteak egin gabe. Gainera, lan-egutegia egokitu du 2020rako aurten eta datorren urte artean egin gabeko ekoizpena berreskuratzeko helburuz.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.