COVID-19ak 30.500 lanpostu suntsitu ditu Euskadin bigarren hiruhilekoan
2020ko bigarren hiruhilekoan 899.600 pertsona izan dira lanean Euskal Autonomia Erkidegoan (EAE), aurreko hiruhilekoarekin alderatuta 30.500 gutxiago (-% 3,27), lan-merkatuaren egoera aztertzea helburu duen Biztanleria Aktiboaren Inkestako datuen arabera.
Gainera, 90.400 langabe zenbatu dira epe horretan. Gauzak horrela, aurreko hiruhilekoarekin alderatuta 1.600 pertsona langabe gehiago izan dira (+% 1,83), eta 2019ko hiruhileko berarekin alderatuta 1.100 gehiago (+% 1,24). Bilakaera horrekin, langabezia-tasa % 9,3koa da gaur egun EAEn.
Halaber, 990.000 pertsona aktibo daude guztira, urteko bigarren hiruhilekoan 28.000 pertsona gutxiago zenbatu ostean (44.500 pertsona gutxiago 2019ko epe berarekin alderatuta, alegia, -% 2,83).
Lurraldeka, Gipuzkoak izan du langabezia-tasarik txikiena (% 7,23), ondoren Arabak (% 7,81) eta, azkenik, Bizkaiak (% 10,72).
Jarduera tasarik altuena Gipuzkoak du (% 54,30), Arabaren (% 54,06) eta Bizkaiaren (% 53,23) aurretik.
Sexuaren arabera, langabezia-tasa % 7,93koa da gizonen artean, eta % 10,40koa emakumeen artean.
Nafarroan, berriz, 12.800 landun gutxiago daude (-% 4,5) aurreko hiruhilekoarekin alderatuta, eta 22.200 (-% 7,56) 2019ko hiruhileko berdinarekin alderatuta; beraz, 271.500 landun gutxiago daude, eta langabezia-tasa % 10.08koa da Nafarroan.
Hain zuzen ere, 3.900 langabe gehiago zenbatu dituzte urteko lehen hiruhilekoarekin alderatuta (% 14,55), eta ekainaren amaieran 30.400 pertsonatan kokatu da.
Krisiak milioi bat lanpostu suntsitu ditu Espainian
Espainian, 55.000 langabe gehiago zenbatu dira urteko bigarren hiruhilekoan; hau da, aurreko hiruhilekoan baino % 1,6 gehiago. Horrez gain, 1.074.000 lanpostu galdu dira (-% 5,4) apiriletik ekainera bitartean, COVID-19ak eragindako pandemiaren ondorioz.
Hain zuzen ere, 2012tik bigarren hiruhileko batean izandako langabeziaren daturik okerrena da hori. Urte hartan, langabezia 63.100 pertsonetan igo zen. Astearte honetan ezagututako okupazioaren jaitsierak, berriz, 2008ko krisiaren datu oker guztiak gainditu ditu.
Ekainean, guztira, 3.368.000 langabe zeuden Espainian, eta 18.607.200 landun. Izan ere, langabezia-tasa bederatzi hamarren igo zen, % 15,3ra arte, Espainiako Estatistika Institutuak gaur jakitera eman duenez. Datuak aurrean izanda, bigarren hiruhilekoko Biztanleria Aktiboaren Inkestak koronabirusaren pandemiak eragindako egoera islatzen jarraitzen du.
Espainiako Estatistika Institutuak gogorarazi duenez, apirila eta ekaina bitartean galdutako milioi bat lanpostu baino gehiago horietan ez dituzte kontuan izan aldi baterako enplegu-erregulazioen eraginpean dauden pertsonak, Biztanleria Aktiboaren Inkesta egiteko erabilitako metodologiak okupatutzat jotzen baititu etenaldi hori hiru hilabetetik beherakoa den bitartean.
Horrela, apiriletik ekainera bitartean, 13.901.000 landun aritu ziren lanean, hau da, 16 urtetik gorako biztanleen herenak baino zertxobait gehixeagok.
Apiriletik ekainera bitartean 55.000 langabe gehiago izan direla eta, Estatistika Institutuak adierazi du aldi horretan lana galdu zuten pertsona guztiak ez direla langabe gisa sailkatu, kopuru handi bat ez-aktibotzat hartu baitituzte. Horrek azaltzen du bigarren hiruhilekoan ez-aktiboen gorakada hain nabarmena izatea (1.062.800 pertsona gehiago).
Jarduerarik ezaren igoera horren arrazoia da, funtsean, konfinamenduak eta enpresak behin-behinean ixteak eragotzi egin ziela lana bilatzea 1.628.500 pertsonari, lan egiteko prest egon arren. "Horregatik, langabetu gisa sailkatzeko eskatzen diren baldintza guztiak ezin izan dituzte bete, eta inaktibo gisa sailkatuta geratu dira", zehaztu du Espainiako Estatistika Institutuak.
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.