Aburto: "Aste Nagusia, Eurokopa eta BBK ez ospatzearen eragina 150 milioikoa da"
Aurten Aste Nagusia, Eurokopa eta BBK Live jaialdia ez ospatzeak izango duen eragin ekonomikoa 150 milioi eurotik gorakoa izango dela kalkulatu du Juan Mari Aburto Bilboko alkateak.
"Aste Nagusiak 70 milioi euroko eragin ekonomikoa ekarriko luke, Eurokopan antzeko kopuruak aurreikusi ziren, eta BBK Livek 20 milioitik gora, guztira 150 milioi eurotik gorako galera ekonomikoa ekarriko du ekitaldi horiek ez ospatzeak".
Onda Vasca irratian egindako adierazpenetan, Aburtok adierazi du itxieran izandako portaera soziala "konpromiso handikoa" izan zela, "jendeak oso ondo egin zuen, baina azken asteotan eredugarriak ez diren egoerak eman dira".
Hala ere, Bizkaiko hiriburuan "ez dago mahai gainean" itxierak ezartzeko aukera.
"Ez dugu egoera kezkagarria duen auzorik. Birusa gero eta banatuago dago. Bilbon ia ezin da fokuez hitz egin, birusa sakabanatuta dago".
Horregatik, hartu beharreko neurrien inguruan zuhurtzia mezua plazaratu du alkateak: "Kontua ez da larritzea. Irmotasun mezua helarazi behar da, behar diren neurriak hartuko ditugu uneren batean hori egitea beharrezkoa bada, baina une honetan (konfinamendua) ez dago mahai gainean".
Ostalaritza, merkataritza eta hotelak gaizki pasatzen ari direla aitortu du alkateak. Hala ere, gaueko aisialdiari ezarritako murrizketak "agian beharrezko neurri kirurgikoak" izango direla onartu du.
Aburtok ostalaritza sektorearen jokabidea babestu du, "konpromiso handikoa izaten ari da, eta ulertzen dugu gaueko aisialdiari buruz dituen kexak".
Merkataritzari dagokionez, alkateak azaldu du atzo Alde Zaharreko merkatariek adierazi ziotela "mugikortasunik ez dagoela, herrietako jendea behar dutela, eta jendea ez dela mugitzen, beldur delako".
Gainera, Bilboko hotelen % 80 zabalik daude, baina okupazio tasa % 30-35ekoa da.
Azkenik, Aburtok azaldu duenez, konpartsek oraindik ez dituzte kendu Udaleko erregistroko 24 jarduera eskaerak, "hala egin beharko zuketen".
Hala ere, "garrantzitsuena da Bilboko konpartsak ezer ez dela egongo erabaki duela", eta, beraz, ez da jendetzarik sortuko.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.