42 urteko langile bat hil da Barakaldon, lan-istripu ez-traumatiko batean
42 urteko langile bat hil zen joan den astelehenean, abuztuak 17, Barakaldoko (Bizkaia) Usoa tailerrean izandako lan-istripu ez-traumatiko batean. Hori dela eta, tailer horretako langileen ordezkariek doluminak adierazi dizkiete langilearen senideei, eta "besarkada handia" bidali diete.
Enpresa-batzordeak aurten lanean izandako heriotzak salatu ditu, eta egoera "erabat onartezina" dela gaitzetsi du, ohar batean.
Ostegun goizean, enpresa-batzordeak elkarretaratzea egin du, lankidearen heriotza salatzeko. Halaber, gaitzetsi egin dute lan egin behar dutela "estresaren, beldurraren, prekarietatearen eta segurtasunik ezaren mehatxupean", COVID-19ak eragindako pandemiaren egoeragatik.
"Prekarietateak hil egiten du. Lan-istripurik ez" goiburua zuen pankarta baten atzean, 50 bat langilek salatu dute lankidearen heriotza.
Iñigo Petuya eta Andoni Ruiz enpresa-batzordeko Lan Osasunaren arduradunek azaldu dutenez, hildako langilea lorezaintza-lanak ari zen egiten Megaparken inguruan, eta eskorga bat zeraman, "gaizki sentitzen hasi eta zorabiatu zenean". Larrialdietako osasun-langileek artatu zuten arren, "ezin izan zen ezer egin, eta zendu zen", ikertzen ari dira zergatik.
Enpresa-batzordeko kideek nabarmendu dute "ahalegin handia" egin dutela, pandemian zehar, segurtasun-neurriak ezartzeko, eta, ildo horretan, zehaztu dute ez dela COVID-19ko kasu positiborik lantaldean: "Onartu beharko ligukete zeregin garrantzitsua eta lan gogorra ditugula", eskatu dute, eta deitoratu dute herritar askok gizabidearen kontrako jokabideak dituztela: "Maskarak, txakurren gorozkiak eta botiloiaren hondakinak uzten dituzte hiriko parke eta lorategietan, nahiz eta debekatuta dagoen". USOAko langileek mantentze-lanak egiten dituzte parkeetan eta lorategietan.
"Gaur egun, lan egiteko orduan dauden lan-baldintzak, estresa, beldurra, prekarietatea eta behin-behinekotasuna dira haien lanpostuetan hildako langileei buruzko datu kezkagarri eta mingarrien oinarria", gaineratu du enpresa-batzordeak.
Horrez gain, "pandemia betean gaude, eta egoera horrek langileak ahulago bihurtzen ditu; estresa, beldurra eta segurtasun falta areagotuz". Arrazoi horregatik, behar besteko neurriak "premiaz eta berehala" hartzeko eskatu diete enpresei eta erakundeei. Halaber, prebentzio neurriak betetzen direla bermatzeko eta kontrolatzeko eskatu diete Lan Ikuskaritzari eta Osalani.
Elkarretaratzea Barakaldon, arratsaldean
Gainera, herriko gizarte taldeek eta sindikatuek elkarretaratzea egin dute gaur arratsalderako, "Lan prekarietateak hil egiten du. Lan Istripurik Ez!" lelopean. ELA, LAB, ESK, STEILAS eta CNT sindikatuen babesa izan du protestak, eta Barakaldo erdiguneko Bide Onera plazan elkartu dira.
"Mobilizazio honekin, azpikontratazioa, prekarietatea, prebentzioan neurririk ez hartzea eta segurtasun neurrietan inbertsiorik ez egitea lanpostuan gerta daitekeen heriotzarekin bat doala salatu nahi dugu. Lan-karga handiak eta estres egoerak alde batera utzita", salatu dute deitzaileek, eta babesa eta elkartasuna adierazi diete hildako langilearen senideei.
Zure interesekoa izan daiteke
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez direla "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidoseko zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.