Telelana arautzen duen lege berriaren gako nagusiak
Telelana edo etxetik lan egitea Errege Lege Dekretu batek arautzen du Hego Euskal Herrian. Telelana borondatezkoa izango da, atzera egiteko aukera egongo da, eta enpresak gastu batzuk hartu beharko ditu bere gain.
Hauek dira telelanari buruzko legearen gako nagusiak:
1. Borondatezkoa eta itzulgarritasuna
Telelana borondatezkoa izango da bai langilearentzat eta baita enplegu-emailearentzat ere. Horrez gain, atzera egiteko aukera izango da, beti ere, hitzarmen kolektiboan edo bi aldeen arteko akordioan jasotakoaren arabera.
2. Betoa kaleratzeei
Langileak urrutitik lan egiteari uko egitea, aurrez aurreko lanera itzultzea eta telelanera egokitzeko zailtasunak izatea ez dira kaleratzeko edo lan baldintzak nabarmen aldatzeko arrazoiak izango.
3. Gutxieneko egun kopurua
Telelanari buruzko araudia aplikatzeko langileak gutxienez asteko lan-orduen % 30 edo gehiago egin beharko ditu hiru hilabetez edo horren baliokidea kontratuaren iraupena hiru hilabete baino gutxiagokoa denean.
4. Akordio indibiduala
Aipaturiko % 30aren harira, enpresak banakako akordio bat sinatu beharko du langilearekin. Lan kontratuan bertan sartuta egon daiteke edo osterantzean aurrerago ere sar daiteke, baina beti ere etxetik lanean hasi aurretik egin beharko da.
5. Gastuak
Telelanaren gastuak enpresak bere gain hartu beharko ditu eta ezingo du langilearentzat gain-kostu bat izan.
Banakako akordio horrek telelana gauzatzeko beharrezkoak diren bitartekoen eta tresnen inbentarioa jaso beharko du. Horrez gain, beharginak etxetik lan egiteagatik dituen gain-kostuak zerrendatu beharko ditu eta baita horiek enpresak nola ordainduko dituen ere.
6. Telelana salbuespen gisa
Lege berria ez zaie aplikatuko koronabirusak eragindako egoera dela-eta etxetik lanean ari diren beharginei. Horiei, lan-araudi arrunta aplikatuko zaie.
Dena dela, enpresek langileen eskura jarri beharko dituzte horiek beren eguneroko lana burutu ahal izateko behar dituzten bitartekoak. Horien mantenua ere enpresari dagokio, baina hitzarmen kolektiboak zehaztuko du enpresak langilearen gain-kostuak ordaindu behar dituen ala ez.
7. Tratu berdintasuna
Telelana egiten ari diren langileek eskubide berdinak izango dituzte eta, beraz, ez dute beren lan-baldintzetan aldaketarik jasango (ordainsaria, egonkortasuna, lanaldia, ordutegia, formazioa eta lan promozioa).
8. Deskonexio digitala
Etxetik lanean ari direnek deskonexio digitalerako eta atsedenerako eskubidea dute. Horrek lanaldia errespetatzea eta ordutegiaren erregistroa egitea esan nahi du.
9. Enpresaren kontrola
Enpresak langilea "zelatatzeko eta kontrolatzeko" neurriak hartu ahal izango ditu, behargina bere betebeharrak betetzen ari dela egiaztatzeko, beti ere horren duintasuna urratu gabe.
10. Telelanaren mugak
Langilea adingabea denean edota praktiketako kontratu kasuetan, telelana gehienez ere % 50ekoa izango da.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.