Grebaz geroztik, Jaurlaritzaren proposamenik jaso ez dutela salatu dute sindikatuek
ELA, LAB, Steilas, CCOO eta UGT sindikatuek salatu dutenez, hezkuntza alorreko irailaren 15eko greba "arrakastatsua" izan zenetik ez dute Eusko Jaurlaritzako Hezkuntza Sailaren "inongo proposamenik" jaso "ikastaro presentzial, seguru eta adostu" bat bermatuko duten baliabide gehigarriak negoziatzen hasteko. Hori horrela, EAEko hiriburuetan manifestazioak deitu dituzte urriaren 2rako.
Sindikatuetako ordezkariek prentsaurrekoa eskaini dute gaur Bilbon, mobilizazioak iragartzeko. Kezka agertu dute bakartutako ikasgelak "egunero ugaritzen" ari direla ikusita, eta honakoa ohartarazi dute: "Hezkuntza Sailak osasun-neurriak bermatzeko behar diren baliabideak planifikatzen, helarazten eta ahalik eta lasterren martxan jartzen ez baditu, transmisio-arazoak areagotu egingo dira gure ikastetxeetan".
Euren ustez, Hezkuntza Sailaren aldetik proposamenik jaso ez izanak "berretsi egiten ditu" Bildarratzekin bildu ostean sindikatuek ateratako ondorioak: "Alde batetik, osasuna eta hezkuntza bermatzeko irizpide komunei, neurri gehigarriei eta baliabide-aurreikuspenei dagokienez, plangintzarik gabe jarraitzen du Hezkuntza Sailak. Eta, bestetik, mobilizazioa, greba eta horien bidez salatu eta azaleratu nahi ziren arazoak ikusezin bihurtzeko eta desaktibatzeko saiakera baino ez zen izan".
Sindikatuek nabarmendu dutenez, "ekimen ugari egin dira ikastetxeen kolektiboen arazoak ikusarazteko", eta, ondorioz, Hezkuntza Sailak erantzunak eman behar izan ditu, "modu mugatu eta partzialean" izan bada ere. Hori horrela, langileen ordezkariek, sindikatuek, uste dute mobilizazioa dela Hezkuntza Saila "plangintza integral bat mahai gainean jartzera behartzeko modu bakarra", irizpide komunekin eta beharrezko baliabideekin.
Bost sindikatuok euren eskaerak gogorarazi dituzte prentsaurrekoan. Besteak beste, langile kolektibo guztietan ratioak jaitsi (10-15 ikasle, 0-3 zikloan talde txikiagoak) eta lantaldeak handitzea, protokoloak jasotako norbera babesteko ekipamenduak ikastetxeetan egotea, ikasgeletan pertsona bakoitzak hiru metro koadro izatea eta ikasleen artean 1,5 metroko distantzia egotea, espaziorik ez dagoen eskoletan bestelako eraikinak zein espazio naturalak baliatzea, sortutako arrakalak murrizteko baliabideak jartzea, ikasle guztientzat jangela zerbitzua bermatzea, egoera zaurgarri zein sentikorrean dauden langileak babesteko neurriak ezartzea eta kontziliaziorako baimen ordainduak ematea.
Albiste gehiago ekonomia
LABek "udazken beroa" iragarri du patronalarentzat, EAErako LGS propio bat negoziatzea onartzen ez badu
Igor Arroyo LABeko koordinatzaile nagusiak adierazi duenez, patronalak 1.500 euro gordineko LGS ezartzeko proposamena "blokeatzen" jarraitzen badu, LABek "gatazkak sortuko ditu mahaiz mahai diru-sarrera horien azpitik dauden sektore guztietan". Imanol Pradales lehendakariari ere dei egin dio, eta Confebaski "presioa" egiteko eskatu dio, negoziazio mahaian "eser dadin". Eusko Jaurlaritzak "horretarako baliabideak" dituela gaineratu du.
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.