Espainiako Gobernuak bi lege onartu ditu soldata arrakala txikitzeko
Ministroen Kontseiluak bi lege berri onartu ditu astearte honetan, Espainiako estatuko enpresetan gizonen eta emakumeen arteko soldata arrakala murrizte aldera. Horrela, enpresa guztiek lansariak ikuskatu eta egokitu beharko dituzte sei hilabeteko epean.
Lan eta Berdintasun ministerioen elkarlanaren ondotik iritsi dira bi lege horiek, eta Yolanda Diaz eta Irene Montero ministroek "lorpen historikotzat" jo dute prentsaurreko batean.
Biek ala biek azaldu dute lege horietako batek soldata gardentasuna arautzen duela; beraz, lansarien gaineko informazioa izateko eskubidea bermatuko du. Horrek esan nahi du, Langileen Estatutuari jarraiki, lan bera egiten duten beharginek soldata berdina izan beharko dutela.
Bigarren legeak, berriz, berdintasunera bideraturako planekin du zerikusia. Hain zuzen ere, enpresek eta gizarte eragileek testua adostu beharko dute, berdintasunerako bidean beharrezko dituzten bitartekoak martxan jarri ahal izateko.
"Berdintasuna eskubide bat da, baina baita eraginkortasun ekonomikoarekin lotutako kontu bat ere", esan du Monterok. "Aurrerapausoarekin" pozik agertu bada ere, "ez da nahikoa herrialde honek bizi duen soldata arrakalari amaiera emateko", azpimarratu du.
Zure interesekoa izan daiteke
Basurkok etorkizuneko proiektu industrial baten alde egin du Tubos Reunidosentzat, enpleguan ahalik eta eragin txikiena izango duena
Bizkaiko Ekonomia Sustatzeko foru diputatuak alde guztien arteko elkarrizketaren garrantzia azpimarratu du, enpresak bizi duen egoera "konplexua" dela eta.
Tubos Reunidosek Amurrioko eta Trapagaraneko lantegietako 301 langile kaleratzea proposatu du
Enpresak bideragarritasun-plan bat aurkeztu dio enpresa-batzordeari, tartean Amurrioko altzairugintzaren jarduera etetea, langileen irteerak eta zorra berregituratzea barne, industria-proiektuaren jarraipena bermatzeko.
Makinisten grebaren jarraipena % 100ekoa izaten ari da, sindikatu profesionalaren arabera
Zenbait zerbitzu bertan behera geratu dira eta atzerapenak ere izan dira. Renfek dioenaren arabera, % 12ra ez da heldu greba egiten ari diren langileen kopurua.
Sindikatuek nabarmendu dute Tubos Reunidosen Amurrioko lantegiko grebaren lehen txandan jarraipen "erabatekoa" izan dela
Langileek elkarretaratzea egin dute berriro goizeko zazpietatik aurrera, Arabako lantegian, eta bertan jarraituko dute langileen ordezkarien eta enpresaren artean aurreikusitako bilerak amaitu arte. Enplegu-erregulazioko espedienteak zenbat langileri eragingo dien jakinaraziko dute orduan.
Tubos Reunidosek 71,3 milioi euroko galerekin itxi du 2025eko ekitaldia, behin betiko emaitzen zain
Negozio-zifrak % 13 egin zuen gora, baina batez besteko salmenta-prezio txikiaren ondorioz, konpainiaren zorra 263,2 milioi eurora igo da. Amurrion (Araba) eta Trapagaranen (Bizkaia) lantegiak dituen enpresak ohar baten bidez adierazi duenez, AEBko jardueraren beherakadak eragindako kaltea zenbatzea falta zaie.
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan, Bilboko eta Donostiako aldirietako bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuztea hasi dute, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.