EAJk ohartarazi du "asko" falta dela Estatuko aurrekontu orokorrak adosteko
EAJk ohartarazi du Pedro Sanchezi "asko" falta zaiola Estatuko aurrekontu orokorretan akordioa lortzeko, nahiz eta gaur osoko zuzenketen aurka bozkatu duten. Boto hori negoziatzeko "abiapuntua" dela adierazi du EAJk, baina kritikatu du aurrekontuetan EAEko inbertsoak zokoratzen direla, eta dieselaren gaineko zerga "gelditzeko" konpromisoa urratzen dela.
Kongresuko eztabaidan, Idoia Sagastizabal diputatu jeltzaleak esan du "aurrekaririk gabeko" unea dela oraingoa koronabirusaren pandemiagatik, eta EAJren lehentasuna EAE dela. Horregatik, Estatuko aurrekontu orokorretan EAErako aurreikusitako inbertsioak "berriro zokoratu" dituztela salatu du. Era berean, diru-partiden zenbatekoa EAJri hitzemandakoa baino txikiagoa dela gaineratu du.
"Ez du balio aitzakia bezala pandemia jartzea. Uler dezakegu atzerapena, baina ez utzikeria", azpimarratu du, Maria Jesus Montero Ogasun ministroari "konpromisoak betetzeko" daudela ohartarazi aurretik. "Ez du asko laguntzen aurrekontu batzuk onartzeak oraindik akordio ugari badaude betetzeko", azaldu du.
Horren harira, Abiadura Handiko Trenari (AHT) dagokionez, "hiriburuetarako sarreretarako hitzemandako lan-hitzarmenak sinatu ere ez" dituztela egin leporatu dio.
Dieselaren zerga
Espainiako Gobernuak diru-sarrerak edukitzeko aurreikusi dituen neurri fiskalak ere izan ditu hizpide Sagastizabalek, dieselaren gaineko zerga, Google eta finantza transakzioen tasa edo azukredun edarien gaineko zerga, besteak beste.
EAJren diputatua bereziki kritikoa izan da dieselaren gaineko zergarekin; izan ere, bere esanetan, EAJk eta Espainiako Gobernuak hori "gelditzea" adostu zuten. "Beteko ez den konpromiso bat da, eta horrek konfiantza kaltetzen du, baina oraindik bideratzeko garaiz gabiltza", adierazi du.
"Fiskalitate berde" baten aldeko apustua egin ondoren, argitu du "modu mailakatuan eta arrazionalean" egin behar dela, "lanpostuak eta sektoreak arriskuan jarri gabe".
Era berean, kezka agertu du azukredun edarien zerga dela eta, "eragin txarra" izan dezakeelako ekonomian eta industria horren mende dauden lanpostuetan. Bere ustez, "gizentasunaren aurkako borrokak neurri integralak" behar ditu, zerga igoera batetik harago.
Onarpena
Azkenik, Sagastizabalek azpimarratu du aurrekontuen onarpena ez dela "erraza" izan behar, "desberdinen arteko adostasun handia" eskatzen duelako, "alderdikeriak eta patriotismo faltsuak zailtzen" duten heinean.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.