Dagoeneko 7 lagun daude ikerketapean Osakidetzako oposizioko irregulartasunen auzian
2016-2017 urteetan Osakidetzak egindako lan-eskaintza publikoan ustez hainbat azterketa filtratu zirela eta abiatutako prozesu judizialean, epaileak beste lagun bat inputatu du, LAB sindikatuak hala eskatuta, eta, ondorioz, zazpi dira ikerketapean dauden pertsonak.
Joan den astelehenean eta asteazken honetan hainbat lekukok deklaratu dute epailearen aurrean. Inputatuen artean, Neurokirurgiako, Neurofisiologiako, Digestioko, Anestesiologiako eta Angiologiako epaimahaietako arduradunak daude.
LAB sindikatuak ohar bidez jakinarazi duenez, astelehenean lekuko gisa deklaratu zuen epaimahaiko bokal bat inputatzea eskatu du eta epaileak eskaera onartu du. Datozen egunetan bidaliko diote jakinarazpena inputatuta dagoela esanez.
Halaber, LABek iragarri du eskatutako dokumentazio guztia epaitegiaren esku dagoenean litekeena dela "pertsona gehiago inputatzea".
Prozesu judizialari dagokionez, sindikatuak azpimarratu du orain arte bildutako datuek "indartu" egiten dutela azterketak filtratu zirenaren teoria eta proba publikoa Osakidetzako "nukleo operatiboak" diseinatu, kudeatu eta burutu zuela "plazak pertsona jakin batzuei emateko asmoz". "Azterketa teorikoa prestaketa Herri Arduralaritzaren Euskal Erakundearen esku utzi zuten, probari inpartzialtasun itxura emateko", erantsi dute.
LAB eta ESK sindikatuek jarritako salaketen ondorioz iritsi ziren Osakidetzako proba publikoaren ustezko irregulartasunak epaitegira. EAEko Fiskaltza Nagusiak ere ikerketa bat jarri zuen abian.
Kasu honek eragindako zalapartaren ondorioz, hainbat dimisio izan ziren: Jon Darpon Osasun sailburuak, Maria Jesus Mugica Osakidetzako zuzendari nagusiak, Juan Carlos Soto Giza Baliabideetako zuzendariak eta Xabier Balerdi zuzendariordeak kargua utzi behar izan zuten.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".