EAEk funts europarretarako dituen 188 proiektuak helarazi dizkio Urkulluk Sanchezi
Iñigo Urkullu lehendakariak gutuna bidali dio Pedro Sanchez Espainiako Gobernuko presidenteari, Euskadik funts europarretarako dituen 188 proiektuen gaineko informazioa helaraztea helburu. Halaber, Urkulluk "multimailako gobernantzan" sakontzea galdegin du, Europar Batasunaren diru-laguntza horiek kudeatzeko, Eusko Jaurlaritzaren iturriek jakitera eman dutenez.
Astearte honetan, Eusko Jaurlaritzak Euskadi Next programa onartu zuen, eta biharamunean bidali dio gutuna lehendakariak Espainiako presidenteari. Programa hori Jaurlaritzak prestatu du, foru-aldundiekin eta EAEko hiru hiriburuetako udalekin batera, eta susperraldira, eraldatzera eta erresilientziara dago zuzenduta.
Eusko Jaurlaritzaren asmoa da programa hori Espainiako Gobernuak Europara bidaliko duen Susperraldi, Eraldaketa eta Erresilientzia Planaren barnean txertatzea. Plan horretako proiektuak Europar Batasunaren Next Generation Funtsetan parte hartzeko hautagaiak izango dira; funts horiek Susperraldi eta Erresilientzia Mekanismotik datoz.
5.702 milioi
Horrela, Euskadiren nahia da guztira funts europarretatik 5.702 milioi euro jasotzea, 188 proiektu finantzatzeko. Halaber, bost urtetan, 13.135 milioi aktibatuko lituzkete; kopuru hori euskal erakundeek eta inbertsio pribatuak jarriko lukete.
Sanchezi bidalitako gutunean, Urkulluk Euskadiko proiektu guztietako dokumentazioa helarazi dio, eta "multimailako gobernantzan sakontzeko beharra" nabarmendu, funts europarrak garatzeko.
Urriaren 26an izandako presidenteen batzarrean (Ursula von der Leyen Europako Batzordeko presidentea ere bertan izan zen), Urkulluk mahaigaineratu zuen "eskualdeen, estaturik gabeko nazioen edo autonomia-erkidegoen kogobernantza edo multimailako gobernantza".
Jaurlaritzak, hain zuzen ere, Eskualde Garapen Funts Europarretan baliatutako kudeaketa sistemaren antzeko bat erabiltzearen alde egin du. Horrez gain, nabarmendu du egon beharko litzatekeela hitzarmen bakarra Espainiako Gobernuko Ogasun Ministerioaren eta Eusko Jaurlaritzaren artean, baliabideak Euskadira transferitzeko.
Zure interesekoa izan daiteke
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Makinistek greba abiatuko dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide-sektoreko sindikatuek otsailaren 9, 10 eta 11n deitutako hiru greba-egunetarako.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".