EH Bilduren ustez herri ikuspegia falta zaie EBko funtsetara bideratutako proiektuei
EH Bilduk kritikatu du Eusko Jaurlaritzak Europako funtsak jasotzeko proposatu dituen proiektuek, "Euskadi Next 21-26" egitasmoan daudenek, ez dutela "herri ikuspegirik", eta hiriburuak lehenesten dituela udalerrien aurrean. Horregatik, "literatura ona" jasotzen duten arren, "guztiz hobetu" daitezkeela iritzi dio koalizioak.
Maddalen Iriarte EH Bilduren bozeramaileak eta Mikel Otero legebiltzarkideak prentsaurrekoa eman dute Eusko Jaurlaritzak Espainiako Gobernuari helaraziko dion proposamenaren inguruko iritzi emateko. Jaurlaritzak 188 finantzatu nahi ditu Europako funtsetatik 5.702 milioi euro jasota.
Iriartek berretsi du "gardentasun faltarekin" jokatu duela Jaurlaritzak proposamen horren idazketan, eta bestelako eragileekin hitz egiteko beharra azpimarratu du, Espainiako Gobernuaren eta Europar Batasunaren aurrean "elkar babesteko".
Oterok esan du "nahikoa zaila" dirudiela Eusko Jaurlaritzak eskatzen duen diru guztia lortzea. Horregatik, negoziazioan "behetik" jo beharko dutela uste du, eta negoziazio "indartsua" egin beharko dela Madrilen.
EH Bilduren legebiltzarkideak esan du proposamenari "herri ikuspegia" falta zaiola. Salatu du idazketan udalen papera, hiriburuena kenduta, "txikiegia" izan dela, eta horrela "herritarren % 64 kanpoan" uzten dela.
Era berean, gogorarazi du ez dela zehazten euskal erakunde publikoek zenbat diru jarriko luketen proiektuen finantziazioa osatzeko, eta horrek "inprobisazioa" uzten omen du agerian. Hori horrela, proposamenak "literatura ona" duela, baina "guztiz hobetu" daitekeela iritzi dio.
Koalizioak proposamena osatzeko prestutasun osoa duela adierazi du, aurkeztutako proiektu askorekin ados dagoelako, nahiz eta ez duen nahikoa informaziorik banaka zerrendatzeko.
Xehetasun guztiak lortzeko, EH Bilduk informazioa eskatuko die Eusko Jaurlaritzari, hiru aldundiei eta Gasteizko, Bilboko eta Donostiako udalei. Era berean, Pedro Azpiazu Ekonomia eta Ogasun sailburuaren agerraldia eskatuko du Eusko Legebiltzarrean.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.