Osakidetzako lantaldea "premiaz" handitzea eskatu dute sindikatuek
Hainbat osasun-langilek, Satse, ELA, LAB, CC OO, UGT eta ESK sindikatuek deituta, elkarretaratzeak egin dituzte berriro ere asteazken honetan Euskadiko anbulatorio eta ospitale batzuen aurrean. Protestaren helburua izan da osasun-sistema publikoaren egoera salatu eta Osakidetzako lantaldea "premiaz" handitu behar dutela galdegitea.
Protestak Bilbon, Donostian eta Gasteizen egin dituzte, Deustuko anbulatorioaren aurrean, Donostia Ospitalearen kanpoaldean eta Santiago Ospitalearen aurrean, hurrenez hurren. Sindikatuek salatu nahi izan dute Osasunaren Euskal Sisteman “arazo estrukturalak” daudela.
"Osakidetzaren egoerak ez du hobera egiten, eta arazoak ez dira konpontzen ari", nabarmendu du, komunikabideen aurrean, Amaia Mayor Satse osasun-langileen sindikatuko ordezkariak, Deustun egindako elkarretaratzean. Bertan, ehun bat lagunek hartu dute parte.
Protestan izan direnek "kalitatezko" osasun publikoa eskatu dute, eta langileen eskubideak aldarrikatu dituzte, kartelak eta pankartak baliatuz. Halaber, oihuen bidez, adierazi dute osasun-langileak "borrokan" daudela, eta eskatu dute diru gehiago erabiltzea ospitaleetarako.
Deustuko Etengabeko Arretako Gunea gauez ixtea erabaki dutela ere gaitzetsi dute; izan ere, Etengabeko Arretako Guneetan zerbitzua murriztuz gero, ospitaleak kolapsatzeko arriskua egon badago.
Sagardui sailburuaren "hitz onak", baina Osakidetzak "orain behar ditu irtenbideak"
Bozeramailearen esanetan, Gotzone Sagardui Osasun sailburuak, astearte honetan sindikatuekin izandako bilera telematikoan, "hitz onak" izan zituen, "eta negoziatzen jarraitzeko asmoa ere bai", baina Osakidetzak, gehitu duenez, "orain behar ditu konponbideak, eta horregatik jarraituko dugu mobilizazioak egiten".
Nabarmendu duenez, egungo egoeran, covid-19aren aurkako txertaketa hasita, "premiazkoa da lantaldeak handitu eta egonkortzea, langile ezaren aurka borrokatzeko".
"Lantaldearen ahalegina esplotatzen jarraitzeaz gain, Osasun Sailak ez du bestelako neurririk proposatu. Orain, covidaren aurkako txertaketa dugu, eta ikusten ari gara erizainen kopurua txikiegia dela Lehen Arretan. Lan-eskubideetan, murrizketak daude, lantaldearentzat, eta pandemian egindako ahalegina ez dira kontuan izaten ari, gehitu du Satseko ordezkariak.
Esan duenez, arazoak konpontzeko irtenbiderik eskaini ezean, sindikatuek mobilizazioei eutsiko diete, eta urtarrilaren 28rako Osakidetzako zentro guztietan deituta dagoen greba-deialdiak bere horretan jarraituko du.
Zure interesekoa izan daiteke
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Makinistek greba abiatuko dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide-sektoreko sindikatuek otsailaren 9, 10 eta 11n deitutako hiru greba-egunetarako.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".