Akordiorik gabe bukatu dute aurrekontu negoziazioa PP+Cs koalizioak eta Jaurlaritzak
Eusko Jaurlaritzak bukatutzat eman du PP+Cs koalizioarekin Euskal Autonomia Erkidegoko aurrekontuekin lotuta abiatutako negoziazioa, hitzordu bakar bat izan ostean, "Carlos Iturgaiz presidentearen eta Luis Gordillo legebiltzarkidearen egoskorkeria dela eta". Biek ala biek iragarri dute osoko zuzenketa aurkeztuko diotela 2021eko EAEko aurrekontu proiektuari.
Ekonomia eta Ogasun Saileko iturriek, bestalde, ziurtatu dute astearte honetan Gasteizen izan duten bilerak ez diela negoziazioekin jarraitzeko aukerarik eman, "oposizioak jarrera itxia erakutsi baitu".
Iturri horrek zehaztu du PP+Cs-ek ez duela proposamen bakar bat aurkeztu, eta Iturgaizek zein Gordillok oso argi zeukatela osoko zuzenketa aurkeztuko zutela "Jaurlaritzak beste alderdi batekin ituna adostu duela argudiatuta".
Uste horren aurrean, Azpiazu harrituta agertu da eta bilera amaitutzat ematea erabaki du.
Gainera, berretsi du Eusko Jaurlaritzaren asmoa dela aurrekontuek ahalik eta babesik handiena lortzea, "Euskadiren susperraldirako beharrezkoa delako".
Iturgaizen ustez, aurrekontuak "nazionalistak dira errealistak izan beharrean"
Esan bezala, PP+Cs koalizioak iragarri du osoko zuzenketa aurkeztuko diela aurrekontuei "errealistak izan beharrean nazionalistak direlako eta pandemiak gehien kaltetu dituen sektoreak ahazten dituztelako".
Iturgaizen esanetan, gaurko hitzordua "adeitsua eta zintzoa" izan da, baina aldi berean "etsigarria". Izan ere, "aholkulari eta txiringito ofizialak izateari ematen dio Jaurlaritzak garrantzia, ostalaritzari, merkataritzari, industriari, enpresa txiki eta ertainei eta autonomoei lagundu beharrean".
"Gure ustez aurrekontu hauek euskal herritarrei aurkeztutako osoko zuzenketa dira, ez dituztelako pandemiagatik mehatxatuta dauden sektoreak kontuan hartu", erantsi du EAEn PPk duen presidenteak.
Zure interesekoa izan daiteke
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Makinistek greba abiatuko dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide-sektoreko sindikatuek otsailaren 9, 10 eta 11n deitutako hiru greba-egunetarako.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".