Lidlek merkatutik kendu beharko du bere sukaldeko robota
Bartzelonako merkataritza-auzitegi batek adierazi duenez, Lidlek merkaturatzen duen Monsieur Cuisine Connect sukaldeko robotak Thermomixeko patentearen eskubideak urratzen ditu, eta, ondorioz, supermerkatu kateari robotarekin ale guztiak kentzeko agindu dio.
Bartzelonako merkataritza-epaitegietako patenteetan espezializatutako atalak Vorwerk konpainia alemaniarraren alde egin du, Lidl supermerkatuek (germaniarrak horiek ere) "Monsieur Cuisine Connect" sukaldeko robota merkaturatzeagatik zuten auzian.
Bartzelonako 5 zenbakiko Merkataritza Epaitegiak uste du Vorwerkeko robot ospetsuaren patentea "baliozkoa" dela, "berritasuna eta asmatze-jarduera"ren betekizunak betetzen baititu; Lidl-en robotak, berriz, Thermomixen "ezaugarri guzti-guztiak errepikatzen ditu"; beraz, hura salduta, Lidl "debekatutako asmakuntza hori zuzenean ustiatzeko jarduera egiten ari da".
Horregatik, Monsieur Cuisine Connecten inportazioa, biltegiratzea, eskaintza eta merkaturatzea bertan behera uzteko agintzen dio Lidli, bere eta bere banatzaileen esku dauden ale guztiak merkatutik kentzeko eskatzen dio, eta produktu horren inguruko merkataritza-dokumentu, publizitate-material edo sustapen-material guztiak, Internet barne, suntsitu beharko ditu.
Gainera, Vorwerki eragindako kalte eta galerengatik kalte-ordaina emateko ere eskatu dio Lidli, baina diru kopurua epaia irmoa denean zehaztuko dute.
Thermomixen ekoizleak supermerkatu-kateari robotaren salmenten % 10 eskatzen zion. Lidlek robota salgai jarri eta berehala agortzen zen; izan ere, 360 euro inguru balio du, Vorwerkena baino ia hiru aldiz gutxiago (etxetresna elektrikoak eta etxerako gailuak saltzen dituen konpainia da Vorwerk).
Zure interesekoa izan daiteke
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.