Alkortak, Tapiari: "Ez da borondate politiko kontua, legedi kontua da"
Corrugados Azpeitia enpresa berriro zabaltzeko aukera dela eta sortu den polemikaren aurrean, zorrotz erantzun dio Nagore Alkorta Azpeitiko alkate (EH Bildu) eta Eudeleko lehendakariordeak Arantza Tapia Ekonomiaren Garapena eta Azpiegituretako sailburuari. Azken horrek atzo esan zuen, Azpeitiko Hirigintza Planaren arabera, Corrugados berriz irekitzea posible izango litzakeela, eta, horrenbestez, oztopo bakarra "politikoa" dela.
Alkortaren arabera, ez da egia Tapiak esandakoa, eta, orain arte duten informazioaren arabera, Hirigintza Planaren kontra legoke herrigunean dagoen enpresa berrabiaraztea. Hori dela eta, Udalaren erabakien aurrean "errespetua" eskatu dio sailburuari, eta argi esan dio ez dela "borondate politiko kontua", "legedi kontua" baizik. Hala, "sinesgaitza" iruditzen zaio legezkoa ez den proiektu bat defendatzea Eusko Jaurlaritzako eta Gipuzkoako Foru Aldundiko ordezkariek.
Horrekin lotuta, halaber, gai hau hedabideetan nola zabaldu den ikusita, harrituta dagoela ere esan du Azpeitiko alkateak. Horren irudikoz, "oso arraroa da" gaia hedabideetan izaten ari den oihartzuna, Udalak, oraindik, proiektuaren xehetasunak ezagutzen ez dituenean. "Horrelako gai bat mahai baten bueltan eztabaidatu aurretik, inplikatuta dauden aldeekin, hedabideetara aireratzea oso arraroa da", esan du
Gaiaren inguruko galdeketa bat egiteko aukerari buruz galdetua, Alkortak esan du momentu honetan aukera hori ez dagoela mahai gainean. "Gai honekin, oraingoz, herri galdeketa bat egitea ez da aukeretako bat. Behin proiektua bere osotasunean ezagututakoan eta Corrugados berriro abian jartzeko legezko aukera bat balego, herritarrek parte hartu behar dutela iruditzen bazaigu, orduan bai, galdeketa ez genuke baztertuko", esan du.
Berretsi duenez, Azpeitiko Udalak jarri du mahai gainean aukera bideragarri bat: Corrugadosen jardueraren zati bat herrigunetik atera eta Trukutxo eremura eramatea. Horren harira, ziurtatu duenez, enpresako buruzagiekin izandako bilera batean "aukera hori aztertzeko prestutasuna" agertu zuten, hasiera batean, baina "arrazoi ezberdinak tarteko", jarrera aldatu zuten. Alkateak uste du "Jaurlaritza prest balego aukera hori aztertzeko", enpresak ere kontuan hartuko lukeela.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.