CL taldeak Corrugadosen jarduna berriro martxan jartzea "erraztuko" du Jaurlaritzak
Extremadurako Cristian Lay (CL) taldeari, Corrugados Azpeitia enpresaren instalazioen jabe denari, laguntzeko prest agertu da Eusko Jaurlaritza, Azpeitian jarduera siderurgikoa berriro martxan jar dezan, Arantxa Tapia Ekonomia Garapen eta Azpiegituretarako sailburuak esan duenez. Enplegu berriak sortzea ekarriko luke horrek. Gainera, Tapiaren esanetan, "gainditzeko modukoak dira" ingurumenarekin eta hirigintzarekin lotutako "oztopoak".
Agurainen izan da ostegun honetan Tapia, non arratsaldean Gipuzkoako Foru Aldundiak, Eusko Jaurlaritzak eta Azpeitiko Udalak egingo duten bilerari buruz hitz egin duen. Tapiaren iritziz, afera horren inguruan, irizpide oso antzekoak dituzte gaurko bilerako ordezkari guztiek.
Azaldu duenez, CL enpresa taldeak laguntza eskatu die euskal erakundeei "Azpeitia inguruan desagertuta zegoen jarduera horri berrekiteko aukera proposatuz".
Halere, Ekonomia Garapenerako sailburuak onartu du enpresa horrek bi korapilo dituela askatzeko. Alde batetik, Udalari dagokion jarduera urbanistikoa aipatu du. Bestetik, ingurumenari dagokionez, Eusko Jaurlaritzaren baimena jaso behar luke CLk.
Jaurlaritzak aztertutakoaren arabera, "baldintza zorrotzagoak" bete beharko lituzkete horretarako, araudia aldatu baita. Ildo horretan, ziurtatu du CL prest dagoela baldintza horiek betetzeko, zorrotzenak baita, eta beharrezkoak diren inbertsioak egiteko.
"Gaurko bileran Jaurlaritzak azalduko die bidean dituzten oztopoak "gainditzeko modukoak" direla, eta hortik aurrera xehetasunetan sartuko dira.
Konfidantza
CL sekula sektore siderurgikoan egon ez bada ere, Tapiak argi utzi du talde horrek dibertsifikatzeko gaitasuna erakutsi diela. Horretarako, GES Bizkaiaren kasua jarri du adibide gisa.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.