Tapia: "Azpeitiko Hirigintza planak baimendu egiten du Corrugados berriz irekitzea"
Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak adierazi du Azpeitiko (Gipuzkoa) Hirigintza planak baimendu egiten duela Corrugados berriz irekitzea. Horrenbestez, oztopo bakarra "politikoa" dela gaineratu du.
Eusko Legebiltzarrean eskainitako prentsaurreko batean, Tapiak ohartarazi du "arriskuan" dagoela 700 lanpostu zuzen eta zeharkakoak sor ditzakeen proiektu bat.
Sailburuak gogorarazi duenez, Cristian Lay taldeak sustatutako proiektuari Udalak jarritako oztopoak ingurumenaren eta Hirigintzarekin lotuta zeuden, eta ingurumen arloan enpresa "prest" zegoen "behar beste inbertsio" egiteko.
Hirigintzari dagokionez, Azpeitiko udal gobernuak ohartarazi du legez kanpokoa dela lantegia berriz irekitzea, herrigunean dagoelako, eta egungo Hirigintza Planak ezartzen duelako lurzail horietako batzuk etxebizitzetarako eta ekipamenduetarako direla.
Horren ildotik, Tapiak ukatu egin du Azpeitiko Hirigintza Planak jarduera industrial hori galarazten duela. “Hirigintza planak baimendu egiten du”, berretsi du sailburuak. Hortaz, arazoa “politikoa” dela nabarmendu du.
Era berean, Udalak herri kontsulta egin nahi badu, bere jarrera argitu beharko duela iritzi dio sailburuak: “Hirigintza nahiago badu, jarduera industriala baino gehiago, esan dezala”.
ITPren kasua
Bestalde, Tapiak azaldu du Jaurlaritzak ezin dela ITP enpresa erosteko eskaintza baten edo beste baten alde agertu.
Arnnovarekin batera Jaurlaritzak ITP erosteko aukerari dagokionez, sailburua esan du "zuzenak ez diren" hainbat informazio publikatu direla.
Testuinguru honetan, Tapiak esan du Gobernuarentzat "inportanteena" proiektua dela. "Jaurlaritza lehen lerroan dago balizko erosleekin hitz egiten eta aukera ezberdinak aztertzen".
"Guretzat garrantzitsua da proiektu industriala izatea, Euskadin errotuta; enplegua sortzea eta etorkizunekoa izatea", adierazi du. Horrenbestez, gauza horiek guztiak bermatu ditzaketen eskaintzak begi onez ikusiko dituztela erantsi du.
ITP erosteko hainbat hautagai egongo balira, Jaurlaritzak ezingo lukeela esku hartu ohartarazi du. "Ez da logikoa Gobernu batek hala jokatzea", azaldu du.
Dena dela, ITP erosteko aukera onena zein den zehazten denean, baliteke Jaurlaritzak proiektu horretan parte hartzea aztertzea. "Iraganean ITPko akziodunak izan ginen", gogorarazi du.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.