Bioterrak 70 erakusmahai baino gehiago izango ditu 18. edizioan
70 erakusketarik baino gehiagok baieztatu dute egongo direla ekainaren 4tik 6ra bitartean Irungo Ficoba aretoan egingo den Bioterra produktu ekologikoen, bioeraikuntzaren, energia berriztagarrien eta kontsumo arduratsuaren azokan.
Azokak erakusketa-azaleraren % 80 saldu du dagoeneko, eta "badirudi erakusketa-espazioaren % 100era iritsiko dela, eta, aurreko edizioetan bezala, Ficobak dituen hiru pabiloiak eta kanpoaldeko erakustokia beteko dituela".
Ficobak ohar batean azaldu duenez, "pandemiak jarduera moteldu duen arren", ekoizpen ekologikoa % 4 hazi da, 2019ko datuekin alderatuta; EAEn, 658 dira dagoeneko ekologikoan ekoizten duten enpresak.
Nekazaritzako ekoizpenak dira, oraindik ere, atalik garrantzitsuena (guztizkoaren % 54), eta horien atzetik daude eraldaketa, abeltzaintza, merkaturatzea eta inportazioa.
"Ekoizpen ekologikoko jarduera guztiek dute operadore gehiago, baina azken urteko gorakada azpimarragarria izan da nekazaritza-ekoizpenaren kasuan, bai landare ekoizpenari dagokionez, bai animalia ekoizpenari dagokionez", gaineratu du. Aitzitik, "elikagai ekologikoen elaborazioa eta inportazioa gelditu egin dira".
Halaber, operadore gehienak baratzezaintzan aritzen direla nabarmendu dute, eta, ondoren, fruta-saltzaileak dira nagusi; abeltzaintzan, behi-aziendaren hazkuntza da gehien egiten den jarduera.
Ekoizpen ekologikora bideratutako azalerari dagokionez, 2020an hazkundea % 20koa izan da, 2019ko (% 27) eta 2017ko (% 32) hazkundeek soilik gainditu dute, batez ere azalera handia duten hainbat abeltzainek gora egin dutelako. Proportzioan, larreetarako azalera nabarmentzen da, eta, ondoren, mahatsondoetarako azalera.
Arantza Eguskiza Euskadiko Nekazaritza eta Elikadura Ekologikoaren Kontseiluko presidenteak adierazi duenez, "elikadura ekologikoaren hazkundeak goranzko joera duen arren, proiektuak galtzen ari dira, merkatua garatzeko unean aholkularitza eta pizgarri gutxi daudelako".
Eguskizak azpimarratu duenez, bide luzea dago egiteko Europar Batasunak 2030erako lortu nahi duen Fram to fork estrategia betetzeko. "Helburua nekazaritza lurren % 25 ekoizpen ekologikokoak izatea da, eta gaur egun Euskadin ez dira % 4ra iristen", azaldu du.
Ekonomia zirkularra
Ekonomia zirkularra izango da edizioaren lehentasunezko gaietako bat; hala, Bioterrak Bilibin Circular ekonomia zirkularreko aholkularia sartu du elkarte eta operadore espezializatuek osatutako batzorde antolatzailean. Horren helburua da "ekonomia zirkularra aktibatzea enpresetan eta lurraldeetan, hondakinak modu errentagarrian murriztea, metodologia propioak erabiliz, esperientzia teknikoa eta enpresa ikuspegia uztartuta, hondakinik gabeko mundua sustatzeko".
Zure interesekoa izan daiteke
Jaurlaritzak bilera deitu du astelehen honetarako hegazti gripearen konfinamenduari salbuespenak bilatzeko
Hainbat neurri proposatu dituzte, hala nola aske dauden hegaztien ustiategiak sareekin estaltzea, aire zabalean ematen duten denbora murriztea edota zaintza indartzea, une bakoitzean dagoen arrisku-mailaren arabera. Eusko Jaurlaritzako, aldundietako eta hegaztien sektoreetako ordezkariak izango dira bileran.
ELA eta LAB ez dira Torresekin bilduko, Parlamentuak gutxieneko soldataren herri-ekimena baztertu eta gero
Bi sindikatu horiek, gainera, iragarri dute auzitara eramango dutela Confebask, gai horri buruz hitz egiteko "negoziazio mahaia eratzeari uko egiteagatik", justiziak "patronalaren negoziatzeko betebeharra bete dezan".
Urte arteko KPIa hamarren bat jaitsi da EAEn, % 3,2ra arte, eta % 2,7 igo da Nafarroan
Elikadura eta elektrizitatea dira Hegoaldean gehien garestitu direnak.
Arrautza ekoizle txikiek kezkaz hartu dute itxialdia, ekoizpena jaitsiko delako
EITB Erlia Arrautza Ekologikoak etxeko Amaia Arriagarekin izan da. 500 oilo dituzte eta ekologikoan egiten dute ekoizpena. Duela urte batzuk ere antzerako egoera bizi izan zuten arren, oiloek biziko duten estresarekin kezkatuta dago. Badaki arrautzen ekoizpenak behera egingo duela eta itxialdia ahalik eta motzena izatea espero du.
Amaia Barredok beharrezkotzat jo ditu kautelazko neurriak hegazti gripearen hedapena prebenitzeko
Elikadura, Landa Garapen, Nekazaritza eta Arrantza sailburuak erantzukizuna eskatu du, eta Ministerioak agindutako neurriak arrisku handiko une batean datozela adierazi du. Era berean, hegazti gripearen jarraipena egiteko batzordea sortuko dela eta astelehenean, azaroaren 17an, bilduko dela iragarri du.
Hegazti gripeari aurre egiteko jarraipen batzorde bat deitu du Eusko Jaurlaritzak astelehenerako
Espainiako Gobernuak aginduta, etxeko hegazti guztiak konfinatu behar dira gaurtik aurrera. Neurriak ustiapen-mota guztiei eragiten die.
CAFek % 66 igo ditu irabaziak urtarriletik irailera
Beasaingo enpresak 100 milioi euro irabazi zituen urtarriletik irailera, eta kontratazio kopurua ere % 80 igo zen, 4049 milioiraino.
Espainiako Gobernuak aire zabaleko hegaztien ustiategi guztiak mugatu ditu, hegaztien gripea dela eta
Gaur egun indarrean dagoen aginduak aire zabaleko hegazti-haztegiak edozein hazkuntza-metodotan konfinatzea ezarri du, ustiategi ekologikoetan eta autokontsumorako ustiategietan edo arrautzak edo haragia azken kontsumitzaileari zuzenean saltzeko ekoizten direnetan barne.
Lan istripua Bilboko portuan: Emakumezko langile bat larri zauritu da, hondeamakina batek harrapatuta
ELA sindikatuak salatu duenez, VCL enpresako langile batek lan istripu "larria" izan zuen pasa den asteartean Bilboko Portuan. Horren arabera, pala eta auto baten artean harrapatuta geratu zen.
Gutxieneko soldataren inguruko jarrera aldatu dezala eskatu diote EAEko sindikatuek Jaurlaritzari
Milaka lagunek manifestazioa egin dute asteazken honetan Bilbon, ELA, LAB, ESK, Steilas, Hiru eta Etxalde sindikatuek deituta, "herritarren borondatea" errespetatu dezaten eskatzeko eta Confebasken "blokeoa" kritikatzeko.