Bi asteko greba deitu dute Gasteizko CIE Mecauton
ELA sindikatuak bi asteko greba deitu du, apirilaren 12tik apirilaren 23ra, Gasteizko CIE Mecauto enpresan, lan hitzarmenaren negoziaketaren alde. Jundizko poligonoan kokaturiko enpresak 90 langile ditu eta CIE Automotive euskal multinazionalaren parte da.
Komunikabideetara igorritako ohar batean, ELAk jakinarazi du konpainiak 9.942 milioi euro ingresatu zituela 2020an, 195 milioi irabaziz, "EAEn 118 milioi baino gehiagoko irabaziak izan zituenean eta zergetan %5,4a bakarrik ordaindu zuen".
Negoziazioak iazko urtarrilean hasi zirela azaldu du baina gelditu egin zirela covid-19aren osasun-krisia dela eta. ERTE bat ere egin zen egoeragatik.
Negoziazioei berrekin ondoren, ELAk "Mecautoko langileek sortutako aberastasuna banatzeko proposamen bat egin genuen: peoi kategoria soldata duin batera igotzea, kategorietako eskala bikoitza kentzea eta barne-sustapen justua izatea, ABLEen abusua mugatzea, txandakako urtego egutegi bat sortzea, partida-txanda lan -erregimena sortzea, lizentziak eta baimenak gaur egunera aktualizatzea eta enpresak izandako irabazien arabera soldatak igotzea".
Sindikatuak salatu duenez, enpresak 6 urteko hitzarmen bat proposatzen du, eta proposamen horretan, batezbesteko kategoriara iristeko 20 urte beharko liratekeen barne-sustapeneko sistema proposatzen dute. Soldata igoera "eskasak" direla ere salatu du ELAk eta aldi baterako langileen kopurua plantillaren %25era igotzea nahi duela enpresak, besteak beste.
"ELAtik prest gaude akordio batera iristeko eta gatazka konpontzeko, enpresaren errealitatearekin eta sortutako aberastasunaren banaketarekin bat datorren enpresa-hitzarmen batekin, eskala bikoitzik gabe, soldata duinetik eta baldintza eguneratuekin. Bestalde, negoziaketetan sindikatuko asesoreari parte ez hartzen uztea salatu nahi dugu,ez duelako gatazkaren konponbidea errazten" amaitu dute oharra.
Zure interesekoa izan daiteke
Sindikatu nagusiek bertan behera utzi dute biharko deitutako tren greba
Deialdia, enpresa publiko eta pribatuetako 34.000 langileri eragiten ziena, bertan behera geratu da, elkarrizketan beste aurrerapauso batzuk emateko zain.
Basurkok etorkizuneko proiektu industrial baten alde egin du Tubos Reunidosentzat, enpleguan ahalik eta eragin txikiena izango duena
Bizkaiko Ekonomia Sustatzeko foru diputatuak alde guztien arteko elkarrizketaren garrantzia azpimarratu du, enpresak bizi duen egoera "konplexua" dela eta.
Tubos Reunidosek Amurrioko eta Trapagaraneko lantegietako 301 langile kaleratzea proposatu du
Enpresak bideragarritasun-plan bat aurkeztu dio enpresa-batzordeari, tartean Amurrioko altzairugintzaren jarduera etetea, langileen irteerak eta zorra berregituratzea barne, industria-proiektuaren jarraipena bermatzeko.
Makinisten grebaren jarraipena % 100ekoa izaten ari da, sindikatu profesionalaren arabera
Zenbait zerbitzu bertan behera utzi dira eta atzerapenak ere izan dira. Renfek dioenaren arabera, greba egiten ari diren langileen kopurua ez da % 12ra heldu.
Sindikatuek nabarmendu dute Tubos Reunidosen Amurrioko lantegiko grebaren lehen txandan jarraipen "erabatekoa" izan dela
Langileek elkarretaratzea egin dute berriro, Arabako lantegian, eta bertan jarraituko dute aurreikusitako bilerak amaitu arte. ELAk “greba mugagabea” egitera deitu du enpresaren “erasoaren aurrean”.
Tubos Reunidosek 71,3 milioi euroko galerekin itxi du 2025eko ekitaldia, behin betiko emaitzen zain
Negozio-zifrak % 13 egin zuen gora, baina batez besteko salmenta-prezio txikiaren ondorioz, konpainiaren zorra 263,2 milioi eurora igo da. Amurrion (Araba) eta Trapagaranen (Bizkaia) lantegiak dituen enpresak ohar baten bidez adierazi duenez, AEBko jardueraren beherakadak eragindako kaltea zenbatzea falta zaie.
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan, Bilboko eta Donostiako aldirietako bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuztea hasi dute, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.