AHTren epeak ez zirela ondo kalkulatu onartu du Arriolak
AHT abiadura handiko trenaren epeak ez zirela "ondo kalkulatu" onartu du Iñaki Arriola Lurralde Plangintza, Etxebizitza eta Garraioetako sailburuak, eta esan duenez, "denborak erakutsi" du hori. Bere hitzetan, hasieran ezarri ziren epeak "bihotzarekin" jarri ziren, "lanak egiteko aukera errealen arabera baino gehiago". "Gainera, AHT proiektuak garai eta fase oso zailak igaro ditu. Aurreneko urteetan ETAren mehatxua hor zegoen, eta 2008ko krisi ekonomikoak ere eragin zuzena izan zuen lanen exekuzioan", gaineratu du, Forum Europako hitzaldi batean. 2026 amaierarako edo 2027 hasierarako trena martxan izatea espero duela esan du.
Sailburuaren arabera, Euskadiko garraio sistemaren modernizazioa da Eusko Jaurlaritzaren erronketako bat legealdi honetan, “mugikortasun eredu berrietara egokitzeko”. Hala, ziur agertu da datozen urteak "oso emankorrak" izango direla, besteak beste, trenbide azpiegiturei dagokienean.
Parez pare dituzten erronken artean, Gasteizen eta Donostian BEI (Bus Elektriko Inteligentea) garraio sistema ezartzea, Gasteizen eta Bilbon tranbia sarea zabaltzea eta Donostiako metroa aipatu ditu. Halere, Arriolaren hitzetan, EAEko trenbide sarea garatzea da Jaurlaritzaren helburu nagusia, bai Euskotrenena eta baita Euskal Y deritzonarena ere.
AHTri buruz gaineratu du txostenen tramitazioek eta ingurumen baimenek baldintzatzen dituztela halako proiektuen epeak, eta "dirua izan arren, lanak ezin dira egin". Besteak beste, azpiegitura hori Bilbora eta Gasteizera noiz iritsiko den zehatz jakitea gaur gaurkoz ezinezkoa dela esan du.
Zure interesekoa izan daiteke
Indarrean da etxebizitzaren arazoari irtenbideak eman asmo duen etxebizitza arloko euskal legedi berria
Joan den abenduaren 11n, Eusko Legebiltzarrak premiazko neurriak jasotzen zituen lege bat onartu zuen, etxebizitzak sustatzeko lurzoruak mobilizatzeko, prozedurak arintzeko eta pisu turistikoei mugak jartzeko.
Nekazaritza Ministerioak ez du beharrezko ikusten EAEko behi-azienda osoa txertatzea, Gipuzkoakoa bakarrik baizik
Eusko Jaurlaritzako Nekazaritza Sailak dermatosia nodularraren kontrako txertaketa EAE osorako eskatu duen arren, Espainiako Ministerioak uste du nahikoa dela Gipuzkoako eta Gipuzkoarekin muga egiten duten Arabako eta Bizkaiko bi gune txikitan bakarrik egitea.
Nafarroan, 2026an ere beherapenak izango dituzte hiri barruko eta hiriarteko garraio publikoaren erabiltzaileek
Datorren urtean ere Foru Gobernuak eta Iruñerriko Mankomunitateak bere horretan mantenduko dituzte Espainiako Gobernuaren garraio publikorako laguntzak.
Bizkaiko Aldundiak 1.716,2 milioiko aurrekontua onetsi du 2026rako, EAJren eta PSE-EEren botoekin
Oposizioak uste du aurrekontu hori ez dela "Bizkaiak behar duena", eta aldeko boza eman dutenek "sendotasunaren" alde egin dute, "hobetzen jarraitzeko".
Eusko Jaurlaritzak EAEko behi guztiak dermatosi nodularraren aurka txertatzeko eskatuko du
Albaitaritzako Alerta Sanitarioaren Sarearen bilera dute astelehenean erkidegoek, eta bertan egingo du eskaera Jaurlaritzak. Argudiatuko duenez, azken kasuak EAEtik gertu dauden Frantziako lau eskualdetan atzeman dituzte.
Euriborrak beste igoera batekin itxiko du urtea, bosgarren hilabetez jarraian igota
Igoera hori gorabehera, urteko berrikuspena duten hipotekak (gehienak) merkatu egingo dira, apur bat besterik ez bada ere.
2026a ate-joka: zer garestituko da, zer merkatu?
Urtea hastearekin batera, eguneratu egingo dituzte hainbat produktu eta zerbitzuren prezioak. Zenbait salneurriren kasuan, hala nola elikagaiena edo etxebizitzena, zaila da aurreikuspenak egitea, baina beste batzuen gorabeherak jakinak dira. Honatx azken horien laburbilduma.
Garbiketa lanak hasi dira A-64an, laborariek blokeoa bertan behera utzi ondoren
Laborariak bi astez egon dira A-64 errepidea blokeatzen, dermatosi nodularraren aurkako neurriengatik protesta egiteko. Behin blokeoa altxatuta, garbiketa lanei ekin diete. Lehen kalkuluen arabera, lanek milioi bat euroko kostua izango dute.
Honakoak izan dira aurten ekonomia arloko lerroburu nagusiak
Munduko harreman komertzialak hankaz gora jarri ditu Donald Trumpek, eta AEBren eta Txinaren arteko merkataritza lehia oso bizia izan da. Euroguneak uste baino hobeto eutsi dio, baina industriak hartu du kolperik handiena.
Alfonso Etxeberria hil da, ELAren idazkari nagusia 1976 eta 1988 bitartean
Jose Elorrietaren aurrekoa "giltzarria" izan zen ELAren oinarri politiko eta estrategikoak finkatzeko, sindikatuaren arabera.