Maiatzaren 1eko mobilizazioak tokikoak izatearen alde egin du Eusko Jaurlaritzak
Datorren larunbatean, Maiatzaren Leheneko manifestazioetan parte hartu nahi dutenei euren herrietan egin dezaten eskatu die Eusko Jaurlaritzak.
Gobernu Kontseiluaren osteko prentsaurrekoan, Bingen Zupiria Jaurlaritzako bozeramaileak gogorarazi du une honetan 79 udalerri (horien artean, hiru hiriburuak) perimetralki itxita daudela Euskadin, covid-19 intzidentzia altua dutelako.
Halere, ukatu egin du Eusko Jaurlaritzak ukatu egingo duenik manifestazioetan parte hartzeko eskubidea; "oinarrizko eskubidea" da hori eta ziurtatu du Exekutiboak ez duela "haren kontra egiteko ez borondate politikorik ez eskumenik".
Gogorarazi du martxoaren 8koaren "tankerako egoera" dela; orduan, mobiliziazio feministak tokikoak izan ziren mugikortasun muga horien ondorioz. Zupiriak esan du, "logikoena" beraz, larunbat honetan Langileen Nazioarteko Eguneko manifestazioetan parte hartu nahi dutenek "nork bere herrian egitea" dela.
Bozeramaileak esan du, dena den, martxa hauen inguruko azken hitza epaileek izango dutela, ELA eta CCOO sindikatuek aurkeztutako helegiteen ondotik.
Sindikatuen gaitzespena
LABek arbuiatu egin du Ertzaintzak Maiatzaren Leheneko manifestazioetan itxitura perimetralak bermatzeko egindako eskaera. LABek ohar batean gogorarazi duenez, jarduera sindikala joan-etorriak egiteko salbuespenetako bat da, eta sindikatuen betebeharra mobilizazio horien osasun- eta segurtasun- baldintzak bermatzera mugatzen da.
Sindikatuak azpimarratu du, aurten, hain justu, "langileen parte-hartzea errazteko eta joan-etorriak eta pilaketak murrizteko", mobilizazioak deszentralizatu dituela, eta 27 ekitaldi antolatu dituela EAEn eta Nafarroan.
Bestetik, CCOO Euskadi sindikatuak salatu du maiatzaren 1ean mugikortasuna mugatzearekin "langileen ahotsa isildu" nahi dela. Loli Garcia sindikatuko idazkari nagusiak adierazi duenez, neurriak "ez du inolako justifikaziorik, ez osasun aldetik ezta logikarenetik ere". Halaber, gogorarazi du joan den ostiralean CCOO Euskadik helegitea aurkeztu zuela Eusko Jaurlaritzaren eta Segurtasun Sailaren aurka EAEko Auzitegi Nagusian, maiatzaren 1ean UGT Euskadirekin batera egingo dituen manifestazioetan mugikortasuna mugatzeko erabakiaren aurka.
Garciaren esanetan, maiatzaren 1eko manifestazioak "normaltasun osoz" egin daitezen "borroka" egingo dute, koronabirusaren aurrean "beharrezko segurtasun neurri guztiak" hartuta.
Albiste gehiago ekonomia
Hauek dira CAFen datuak: 22.000 langile mundu osoan
2024an 103 milioi euroko irabaziak izan zituen, eta eskaera-zorroa 14.695 milioi eurokoa zen. Gaur egun, Marokon, Suedian eta Erresuma Batuan ditu proiektu nagusiak.
Euskadi eta Nafarroa lan-kostu altuenak izan dituzten bigarren eta hirugarren erkidegoak dira
Lan-kostuen aldakuntzari dagokionez, 2023aren aldean, hazkunderik handienak Extremaduran, Murtzian eta Galizian izan ziren; Euskadin, Andaluzian eta Kanarietan, aldiz, igoera txikiagoa izan zen. Enpresek lan-kostu garestienak dituzten bigarren autonomia Euskadi bada ere, gutxien aldatu dena da
Azkenean CAFen esku geratuko da Belgikako trenbide-sarearekin itxitako 3.500 milioi euroko kontratua
Enpresa gipuzkoarrak Belgikako trenbideetarako bagoiak egiteko kontratu publiko bat lortu zuen zuen otsailean, 1.700 eta 3.500 milioi euro arteko kontratua, baina, egoitza Belgikan duen Alstom konpainia frantziarrak errekurtsoa aurkeztu zuen. Hori aztertu duen erakundeak kontratua atzera botatzeko arrazoirik ikusi ez, eta azkenean CAFek esku geratuko da kontratua.
3.562 milioi euro irabazi ditu Iberdrolak ekainera arte, % 13,8 gutxiago, aparteko gainbaliorik eza dela eta
Energia-enpresak % 20 hobetu du bere mozkin garbi doitua, eta % 5 handitu du bere Ebitda errepikaria, Estatu Batuetako Sareen negozioaren hazkundeari eta kostuen aintzatespenari esker.
Nafarroako dozena bat udalek eta hainbat elkartek Azantzako aerosorgailuen proiektua errefusatu dute
Aizpunen egindako ekitaldi batean, Mikel Irujo Industria kontseilariak Nafarroako sektore berriztagarriaren egoera azaldu du. Ondoren Udalek euren iritzia azaldu dute ohar baten bidez. Hala ere, eskerrak eman dizkiote kontseilariari bertara hubiltzeagatik, "inguruko biztanleen eskaerak entzun dituelako".
Bizkaian aurkeztutako hamar errenta aitorpenetik zazpik diru-itzulketa jaso dute
Batez beste, 1.201 euro ordaindu zaizkie zergadunei, iaz baino 94 euro gehiago. Ordaindu beharreko aitorpena duten zergadunek, berriz, 2.653 euro ordaindu behar izan dituzte, batez beste.
Turismo-tasari % 100eko hobaria eman edo errekargua ezarri ahal izango diote udalek
Turismo-egonaldien gaineko zergak aplikazio orokorra izango du, espezifikotasun bereziekin (% 100eko hobariak edo errekarguak), udalerrietako ostatu-establezimenduen arabera eta udal-autonomiarako marjinarekin.
Bizkaiko metalgintzako enpresek 1400 lanpostu sortuko dituzte 2025ean, 2024an baino % 2,6 gehiago
Gainera, enpresa metalurgikoek fakturazioa "pixka bat" haziko dela eta eskaera-zorroak mantenduko direla uste dute, merkatua etengabe "hozten" ari dela eta eskaera-maila ohikoa baino baxuagoa dela kontuan hartuta.
Bizkaiko anbulantzien "egoera larria" salatu du ELAk, eta publiko egitea eskatu du lizitazio berriaren aurrean
Sindikatuak Bizkanb aldi baterako enpresa-elkartearen kudeaketa kritikatu du eta anbulantzien erabilera desegokia salatu du.
Sidenor eta Legazpiko Udala zigortu dituzte langile bati amiantoagatik kalte-ordaina ematera
EAEko Auzitegi Nagusiak atzera bota ditu enpresaren eta Udalaren helegiteak, eta berretsi egin du 376.305 euroko zigorra amiantoaren eraginpean egoteagatik.