Ekonomia, Lan eta Enplegu Sailak % 3,3ko igoera aurkeztu du 2026ko aurrekontuetan
Eusko Jaurlaritzako Ekonomia, Lan eta Enplegu Sailak astelehen honetan aurkeztu du 2026rako aurrekontu proiektua. Guztira, 1.266,2 milioi eurokoa izango da hurrengo urtekoa; hau da, aurreko ekitaldikoa baino % 3,3 gehiagokoa.
"Aurrekontu hauek Eusko Jaurlaritzaren arrasto aurrerakoia islatzen dute (…) Inor atzean uzten ez duen eta pertsonak politika publikoen erdigunean jartzen dituen hazkundearen ekonomiaren aldeko apustua egiten dugu", azpimarratu du Mikel Torres lehendakariordeak eta Ekonomia, Lan eta Enplegu sailburuak.
Sailak berak azaldu duenez, aurrekontuaren igoera horrek indartuko ditu Jaurlaritzarekin "hartutako konpromisoak” eta ahalbidetuko du "justizia sozialaren defentsan, desberdintasunen murrizketan eta aberastasunaren birbanaketan aurrera egitea" ahalbidetuko du.
Aurrekontu horien ardatza, batez ere, enplegu-politika aktiboak indartzea izango da; zehazki, prestakuntza, kontratazioa eta kolektibo kalteberen laguntza sustatzea.
Horretarako, Lanbide izango da politika horien "funtsezko elementua"; izan ere, 516 milioi euro kudeatuko ditu. Gainera, 688 milioi bideratuko dira Diru-sarrerak Bermatzeko Errentara (DSBE), Bizitzeko Gutxieneko Diru sarrerara (GGI) eta Etxebizitzarako Prestazio Osagarrira (EGPO).
"Enplegu politika aktiboen elementu nagusi bihurtu da Lanbide, eta arreta berezia eskaintzen die gazteei, emakumeei, adinekoei eta zaurgarritasun egoeran dauden kolektiboei", nabarmendu du Torresek.
Gainera, aurrekontu berriak ere handituko du udalen dirulaguntza partida; hain zuzen, 10.000 biztanletik gorako udalerriek enpleguko eta tokiko garapeneko planak egiteko.
Partida hori, beraz, 2025ean 1,2 milioi eurokoa izatetik 2026an 5,4 milioikoa izatera igaroko da.
"Udalak protagonista izatea nahi dugu lan aukerak sortzean eta udalerrien garapen ekonomikoan", azaldu du Mikel Torresek.
Era berean, Ekonomia, Lan eta Enplegu Sailak indartu nahi du lan merkatuan gizonen eta emakumeen arteko berdintasunarekin duen konpromisoa.
Zure interesekoa izan daiteke
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.