Aurreikuspenen arabera, Euskadiko hidrogeno-korridorea egiteko 50 udalerritan zehar 163 kilometro hodi ezarriko dira
Euskadiko sarea bi zatitan banatuko da. Enagasek diseinatutako proiektuaren arabera, lanak 2028an hasi eta 2030ean amaituko dira, eta 400 milioi euroko inbertsioa ekarriko dute.
Imanol Pradales lehendakaria eta Mikel Jauregi Industria sailburua Euskadiko Hidrogeno Sare Tronkalaren aurkezpen-ekitaldian.
Aurreikuspenen arabera, Euskal Autonomia Erkidegorako Enagasek proiektatu duen hidrogeno-korridorea egiteko 50 udalerritan zehar 163 kilometro hodi ezarriko dira. Egitasmoak bi zati izango ditu eta 400 milioi euroko inbertsioa eskatzen du. Obrak 2028an hasi eta 2030ean amaitzea aurreikusten da.
Espainiako gas-bideen sarea kudeatzen duen konpainiak Euskadiko Hidrogeno Azpiegituren Sare Tronkala izeneko proiektuaren berri eman du astelehen honetan, Santurtzin, eta bertan izan dira Imanol Pradales lehendakaria, Mikel Jauregi Industria sailburua, Joan Groizard Energiaren Estatu idazkaria, Antonio Aiz Bilboko Portuko Agintaritzaren zuzendari nagusia eta Arturo Gonzalo Aizpiri Enagasen kontseilari delegatua.
Hidrogenoaren Espainiako sareak, oro har, 2.600 kilometro izango ditu, eta 13 autonomia-erkidegotan zehar ezarriko da. Halaber, Portugalekin eta Frantziarekin lotzeko asmoa dago, Europar Batasuneko hidrogeno berdearen lehen korridorearekin (H2med) lotuko duen urpeko azpiegituraren bidez. % 80 baino gehiago badagoen gas-azpiegiturarekiko paraleloa izango da, eta etorkizunean Euskadi eta Frantzia lotuko dituen adar bat gehitzeko asmoa dago.
Euskadiri dagokion azpiegituraren zatiak Hidrogenoaren Euskal Estrategia betetzen lagunduko du. Horrek 2030erako urtean 100.000 tona hidrogeno berde eta 300 MW elektrolisi ekoiztea aurreikusten du.
Sarearen egitasmoa ezagutzera emateko Partaidetza Publikorako Plan Kontzeptuala diseinatu du Enagasek, eta entzute aktiboko prozesu bat sartu du, igarotzen den udalerrietako administrazioek eta herritarrek ekarpenak egin ditzaten. EAEn, azaroaren 18an hasiko da Muskizen, eta abenduaren 19an amaituko da. Kontsulten aldi horretan, erakundeek, enpresek, auzo-taldeek eta partikularrek azpiegitura horren diseinuari buruzko iradokizunak eta kezkak plazaratu ahal izango dituzte.
Proiektua aurkezteko ekitaldian, Imanol Pradales lehendakariak Energiaren Euskal Erakundearen (EEE) bitartez azpiegitura horren garapenean parte hartzeko Jaurlaritzaren borondatea adierazi du, eta beharrezkotzat jo du "egungo trazadura Iparraldearekin eta Akitania Berriarekin lotzea, Irundik barrena".
Esan duenez, "proiektu egituratzailea da, lehiakortasunari, enpleguari, gizarte-kohesioari, aurrerapen teknologikoari eta iraunkortasunari dagokienez. Deskarbonizazio-eredu adimentsu batean aurrera egitea ahalbidetzen duen proiektua, gure produkzio-sarearen egungo lehiakortasuna arriskuan jarri gabe".
Zure interesekoa izan daiteke
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.