Espainiako Gobernuak lan-erreforma indargabetuko duela baieztatu dio EH Bilduri
EH Bilduk PSOE eta Unidas Podemosekin PPk 2012an ezarritako lan-erreforma indargabetzeko sinatutako akordioa beteko duela hitz eman du gaur Yolanda Diaz Espainiako Gobernuko hirugarren presidenteorde eta Lan ministroak Espainiako Parlementuan, hain justu akordio hori sinatu zela urtea bete bezperan.
EH Bilduko diputatu Oskar Matutek lan-erreformaren indargabetzearen inguruko xehetasun eta epeez galdetu dio, euren akordiotik urtebete pasa dela gogorarazita; Matutek adierazi dio, “elkarrizketa sozialeko mahaia baztertu gabe, lan-erreforma indargabetzeko unea” dela eta hura indargabetu gabe pasatzen den egun bakoitza “galdutako egun bat gehiago” dela estatu osoko langileentzat, “are gehiago aurrean dugun lan-etorkizuna ziurgabetasunez eta prekaritatez betea dagoela jakinda".
Yolanda Diazek garbi erantzun dio: "Matute jauna, lan-erreforma indargabetuko dugula aurreratzen dizut. Abenduaren amaierarako indargabetze-lanak amaituta ez badaude, nik neuk men egin eta azalpenak emango ditut ganbera honetan". Ez du epeen inguruko xehetasun gehiago eman nahi izan, baina argitu du mahai sozialak bi hilabete daramatzala lan isilean.
EH Bilduren bozeramaileak premiaz hartu beharreko neurri zehatzak proposatu dizkio Diazi, “hitzarmen kolektiboen ultraaktibitatea mugarik gabe luzatzea, lan-itunak estatalizatu beharrik ez izatea, enpresa-hitzarmenak sektore-hitzarmenen gainetik aplikatzeko lehentasuna indargabetzea, enplegu-erregulazioko espedienteetarako lan-baimena berreskuratzea eta lan-erreformaren aurreko kalteordainak berreskuratzea", esaterako. PCB-ITP eta Tubacexen kasuak gogora ekarri ditu Matutek, eta ohartarazi du "azken boladan, justifikaziorik gabeko lan-espedienteak etengabeak” izaten ari direla Euskal Herrian.
Diazek arrazoia eman dio Matuteri eta honek proposatutako neurriak bere egin ditu, praktikara eramateko konpromisoarekin. "PPk hautsi zuen oreka irauliko dugu negoziazioetan, egun dagoen desorekari aurre eginez. Kontratuen egonkortasuna bermatuko dugu", ziurtatu du Espainiako Gobernuko hirugarren presidenteordeak.
Matutek, halaber, ezker subiranistaren babesa agertu dio Espainiako Gobernuari emakumeen eta gizonen arteko soldata-arrakalari amaiera emateko, gazteen prekarietateari aurre egiteko eta lana eta etxebizitza galtzeko beldurrarekin bukatzeko neurriak landu eta erabakiak hartzeko.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).