Jaurlaritzak uko egin dio gutxieneko diru-sarrera eskualdatzeko proposamenari
Eusko Jaurlaritzak errefusatu egin du Espainiako Gobernuak bizitzeko gutxieneko diru-sarrera eskualdatzeko egin dion proposamena; izan ere, uste du bere gain uzten dituen eginkizunak murrizten dituela, eta ez dituela ematen eskumena egikaritzeko beharrezko giza baliabideak, baliabide materialak eta baliabide ekonomikoak.
Martxoan, Miquel Icetak bilera egin zuen Garamendi sailburuarekin eta publikoki konprometitu zen eskualdatzea erabatekoa izan zedin, zerbitzuak eta egitekoak murriztu gabe, ezta alderdi ekonomikoan ere. Hau da, Eusko Jaurlaritzak prozesu osoa hartu behar luke bere gain, hasieratik amaierara, eta dirulaguntza izapidetu eta baimendu beharko luke.
Gobernantza Publikoko eta Autogobernuko Sailak uste du Madrildik proposatutakoa "matxuratutako ondasuna" dela, ez dela oso legezkoa, eta EAEren interesen kontrakoa dela.
Era berean, Espainiako Gobernuaren proposamenak EAEri "kalte" egiten diola uste du, eskumena Jaurlaritzari ematea onartzen duen arren, Espainiako Estatuak beretzat hartzen dituelako zenbait eginkizun, eta ez dituelako ematen eskumena guztiz garatzeko giza baliabideak, baliabide ekonomikoak eta baliabide materialak.
Hori horrela, Espainiako Gobernuak Gizarte Segurantzaren erregimen ekonomikoaren kudeaketari eusten dio, Gernikako Estatutuaren 18.2 artikuluan agertzen denaren aurka.
Eusko Jaurlaritzaren arabera, eginkizunak eta zerbitzuak erkidego bati emateko legezko bide bakarra eskualdatzea da, Konstituzioan eta Gernikako Estatutuan hala dagoelako jasota; eta horretarako, eskumena eskualdatzeaz gain, beharrezko baliabideak eskaini behar dira.
Gainera, proposamena onartuta, Jaurlaritzaren eta Espainiako Gobernuaren arteko harremana hierarkikoa izango litzatekeela salatu du, Estatuak gainbegiratu eta fiskalizatu ahalko lukeelako.
Eusko Jaurlaritza Gernikako Estatutuan jasotako eran ari da lantzen eskumena, eta jakinarazi du Espainiako Gobernuarekin negoziatzen jarraituko duela legegintzaldi honetan eskumen guztiak lortzeko, bizitzeko gutxieneko diru-sarrera barne.
Albiste gehiago ekonomia
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.