Nagore Alkorta: "Udalak ez du jaso Corrugados irekitzeko proiektu ekonomikorik"
Corrugados auzian, Cristian Lay Taldeak EITBri eskainitako elkarrizketan adierazi du proiektu "sendoa" aurkeztu zuela "8 hilabeteko epean irekitzeko". Nagore Alkorta Azpeitiko alkateak, ordea, zin egiten du "Azpeitiko Udalak ez duela Corrugados irekitzeko proiektu ekonomikorik, ez dagoela jarduera hori abiarazteko administrazio prozedurarik martxan".
"Nire loari ez dizkio orduak kentzen egia esateak" izenburupean, gutun irekia zabaldu du Azpeitiko alkateak sare sozialetan. Bertan dioenaren arabera, Azpeitiko Udalak ez du jaso inolako proiektu ekonomikorik eta ez dago Corrugados berriro zabaltzeko prozedura administratiborik martxan.
"Denborak bakoitza bere lekuan" jartzen duela azpimarratu ostean, "ofizialki abian egon den prozedura bakarra Corrugadosen desmantelamentuarena" izan dela gehitu du.
Nagore Alkortaren esanetan, bere loari ez dizkio orduak kentzen egia esateak. "Beste batzuk, publikoki, proiektua badagoela esaten entzuten ditudanean, pentsatzen dut, ea horiek lorik egiten ote duten", galdetu du.
Halaber, bere buruari galdetzen dio "ea zerk bultzatu ote dituen publikoki gai hau modu horretan nahastera" eta zerk bultzatu ote dituen "proiektu ekonomikorik gabe, lantegia martxan jartzeko prozedura hasi ere egin gabe, enpresari baten kontakizun edo ahozko kontsulta soil batetik, ehunka lanpostu sortzeko 'aukera paregabeaz' hitz egitera".
Bestalde, zailtasun ekonomikoak pasatzen ari direnez, langabezian edo lan baldintza txarretan lanean ari direnez gogoratu da.
Azkenik, uko egin dio "deskalifikazioei" erantzuteari. Edonola ere, prest agertu da "baldintza berdinetan eta errespetuz, publikoki, edonorekin eztabaidatzeko".
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.