Gaur itxiko dute antxoaren kanpaina kuotaren ia % 90 harrapatuta
Baxurako euskal ontziek gaur itxiko dute antxoaren kanpaina, "badaezpada"; izan ere, urteko kuotaren % 90 arrantzatu dute dagoeneko.
Gainerakoa urteko bigarren seihilekoan arrantzatu ahalko dute, Itsas Etxea Kofradiak jakitera eman duenez.
Kanpainak hiru hilabeteko iraupena izan du, eta "hasiera goiztiarrak" markatu du, martxoaren 1ean hasi baitzen. "Antxoa berdela baino lehenago agertu zen", azaldu dute iturriek.
Martxoaren hasieran, arrantza euskal portuetatik oso hurbil hasi zen, baina antxoa txikia zen; ondorioz, salneurriak "oso baxuak" izan ziren.
Kofradiak azpimarratu duenez, berdelaren arrantzuak etenaldi laburra ekarri ondoren, kanpainako bigarren zatia (apirilaren erdialdetik maiatzera) Kantabriako eta Asturiasko uretan egin dute.
Kanpaina amaieran, azken hilean batez ere, euskal arrantzaleek "antxoa handiagoa aurkitu dute; honenbestez, kanpaina bukaera gozoa izan dute".
Txosten zientifikoen arabera, "antxoa biomasaren osasuna oso ona dela ikusi dute itsasoan", horien hitzetan.
"Harrapaketa ugariak ikusita, sektoreak bere buruari mugak jarri dizkio kanpaina luzatzeko asmoz, ontziko eta eguneko kupoak ezarriz eta ostiraletan arrantza debekatuz, eta hiru hilabeteetan zehar asteko arrantza egunak laura murriztuz", Itsas Etxearen esanetan.
Era berean, ekitaldi honetako lehen seihilekoan antxoa Eusko Label produktu izatera pasatu da.
Asteartetik aurrera, baxurako ontziek sareak alde batera utziko dituzte eta hegaluze kanpaina prestatzen hasiko dira.
Bokarta portuan. EITB Mediako bideo batetik ateratako irudia.
Zure interesekoa izan daiteke
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.
Europak atzera egin du 2035ean errekuntza ibilgailuen salmenta debekatzeko asmoan
Auto elektrikoen eskariaren moteltzeak, sektorearen presioak eta Txinaren lehiak eraman dute Europako Batzordea erabakia hartzera: errekuntza-autoen ekoizpen "mugatua" baimenduko du 2035etik aurrera.
Bat eta Barik txartelekin ordaindu daiteke gaurtik Lurraldebusen
Abenduaren 23tik aurrera, Irungo eta Lasarteko hiri-autobusetan ere ordaindu ahal izango da Bat eta Barik txartelekin, eta Gipuzkoako gainerako herrietan, berriz, ordaintzeko makinak egokitu ahala erabili ahal izango dira.
Eusko Jaurlaritza: "Angularen egoerari buruzko azken txostenek erabaki hau hartzera behartzen gaituzte"
Leandro Azkuek, Eusko Jaurlaritzako Arrantza, Portu eta Itsasertzeko sailburuordeak, kudeaketa-plana eguneratzeko beharra azpimarratu du, "oraingo planak ez dituelako espero ziren emaitzak eman".