Europako funtsak banatzeko irizpideak argitzeko eskatu dio Tapiak Sanchezi
Arantxa Tapia Eusko Jaurlaritzako Ekonomia Garapen, Jasangarritasun eta Ingurumen sailburuak Next Generation izeneko Europako diru-laguntzak banatzeko lehiaketen irizpideak lehenbailehen argitzeko eskatu dio Pedro Sanchez buru duen gobernuari. Atzo Europako Batzordeak oniritzia eman zion Espainiako suspertze planari eta horren baitan, datozen bost urteetan 69.500 milioi euro emango dizkio autonomia erkidegoen artean banatzeko. Espainiako Gobernuak ez du zehaztu oraindik ez zein proiektu aukeratuko dituen ezta nola egingo duen ere. Eusko Jaurlaritzak 188 proiektu aurkeztu ditu eta 5.700 milioi euro jaso nahi ditu.
Gaur goizean Donostian egin dituen adierazpenetan, Arantxa Tapia sailburuak nabarmendu duenez, Iñigo Urkullu lehendakariak gobernantza partekatuaren eredua izateko nahia helarazi dio Espainiako Gobernuari, baita Europako funtsen gai honetan ere. Euskal Autonomia Erkidegora zenbat diru helduko den jakin nahi du Eusko Jaurlaritzak.
Europako Batzordearen erabakia ezagutu aurretik atzo Arantxa Tapiak azaldu zuenez, oso litekeena da diru-laguntzak zuzenean beharrean lehiaketa bidez banatzea. Horregatik, horiek nola egingo diren argitzeko eskatu zion Espainiako Gobernuari proiektuak behar bezala prestatu ahal izateko. Dena dela, proiektuak lehiakorrak direla eta horietako azken aukeratuen zerrendan egongo direla uste du sailburuak.
Espainiako suspertze plana Europako Kontseiluak onartu behar du oraindik, lau asteko epean.
Uztailean bertan, Espainiak 9.000 milioi euro jasoko ditu eta, ondoren, betetako helburuaren arabera baimenduko ditu Europako Batzordeak hurrengo diru-partidak.
Pedro Sanchez Espainiako gobernuburuak atzo iragarri zuen erkidegoetako Presidentzen Konferentzia deituko duela uztailean gaiari buruzko zehaztasunak emateko. Sanchezen esanetan, erkidegoetako presidenteak eta alkateak ere izango dira plan horretako "protagonistak", susperraldi ekonomikoa "denon ardura" dela iritzita.
Nafarroako Gobernua, baikor
Javier Remirez Nafarroako Gobernuko presidenteordea "oso baikor" mintzatu da Europako Errekuperazio Mekanismoaren inguruan. Haren hitzetan, Nafarroako hainbat departamentuk hilabeteak daramatzate hainbat Ministeriorekin lanean. Are gehiago, Foru Gobernuak prest omen ditu lankidetza publiko-pribatuko proiektuak.
Bestalde, Jose Luis Arasti Espainiako Gobernuak Nafarroan duen ordezkariak gogorarazi duenez, oraindik ez dago zehaztuta autonomia erkidego bakoitzari zenbat dagokion. Deialdi publikoak egingo omen dira eta horietara sektore publikoak edota pribatuak aurkeztu ahalko dituzte proiektuak.
Albiste gehiago ekonomia
Erosketa-saskia % 2,5 garestitu da iaztik
Aukeratutako supermerkatuaren arabera, Estatuko batez besteko aurrezpena erosketa-saskian 1.132 eurokoa izan daiteke aurten, iaz baino % 11 gutxiago.
Fabrikazio aurreratuko 32 euskal enpresa EMO Hannoverren dira, azken berrikuntzak aurkezteko
Makina-erramintak zita oso garrantzitsua du egunotan Hannoverko EMO azokan. Ekonomiak bizi duen ezegonkortasun egoera honetan inoiz baino beharrezkoagoa da munduaren erakusleihoan egoteam eta merkatu berriak jorratzea. Asmo horrekin joan dira, Jaurlaritzak babestuta, EAEko 32 enpresa.
LABen ustez "udazken gorria" datorkio patronalari, EAErako LGS propioa negoziatzea onartu ezean
Igor Arroyo LABen koordinatzaile nagusiak adierazi duenez, patronalak 1.500 euro gordineko langilearteko soldata ezartzeko proposamena "blokeatzen" jarraitzen badu, sindikatuak "gatazkak sortuko ditu, mahaiz mahai, diru-sarrera horien azpitik dauden sektore guztietan". Imanol Pradales lehendakariari ere dei egin dio, eta Confebaski "presioa" egiteko eskatu dio, negoziazio mahaian "eser dadin". Eusko Jaurlaritzak "horretarako baliabideak" dituela gaineratu du.
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.