Espainiak eta sindikatuek behin-behinekotasun publikoaren aurkako plana adostu dute
Espainiako Gobernuak eta funtzionarioen ordezkaritza handieneko sindikatuek administrazio publikoetan behin-behinekotasuna murrizteko neurriak adostu dituzte. Besteak beste, duela hiru urte baino gehiagotik bitarteko langileek okupatutako egiturazko lanpostuen deialdia, eta 20 eguneko kalte-ordaina lehiaketa gainditzen ez dutenentzat aurreikusten da, CCOO sindikatuak aurreratu duenez.
Erreformaren helburua behin-behinekotasun tasa % 8tik behera jaistea da. Horretarako, egonkortze-prozesu bat aurreikusten da, aldi baterako langileek okupatutako egiturazko 300.000 plaza baino gehiagori eragingo diena. Plaza horiek finkoak izan beharko dute 2024ko abenduaren 31 baino lehen, "luzatu ezin den epemuga gisa".
Hain zuzen ere, akordioaren testuak jasotzen duenez, behin-behinekotasuna murrizteko aldi baterako enplegua egonkortzeko prozesu berri bat antolatuko da.
Prozesuak 2020ko abenduaren 31 baino lehenagoko hiru urteetan gutxienez aldi baterako eta etenik gabe okupatutako egiturazko plaza guztiei eragingo die. Plaza horiek aurrekontu-zuzkidura izango dute. Gainera, ezingo dira sartu enplegu publikoa hobetzeko 2017ko eta 2018ko akordioetan aurreikusitako egonkortze-prozesuetan.
Bestalde, testuak azaltzen du prozesuak oposizio-lehiaketaren bidez garatuko direla, eta lehiaketa-fasearen balorazioa egingo dela.
Gainera, plazak betetzeko aurretiazko mugikortasun-mekanismoak edo barne-sustapeneko mekanismoak bateragarriak izango dira egonkortze-prozesuekin. Egonkortze-prozesuak gainditzen ez dituztenentzat, egonkortze-deialdietan bitarteko espezifikoen poltsetan sartzea edo lehendik dauden poltsetan sartzea aurreikusi ahal izango da.
Poltsa horietan sartuko dira kasuan kasuko hautaketa-prozesuan parte hartu baina gainditu ez duten hautagaiak, baldin eta deialdian nahikotzat jotzen den puntuazioa lortu badute.
Ildo horretan, adierazten da oposizioa gainditzen ez dutenek lan egindako urte bakoitzeko ordainsari finkoen 20 eguneko konpentsazio ekonomikoa izango dutela, gehienez ere 12 hilabete-saritan.
Kaleratzeak izango direla ohartarazi du ELAk
Bestalde, ELA sindikatuak Estatuan egindako akordioaren kontra agertu da eta ohartarazi du aldi baterako langile publikoen kaleratzea ahalbidetuko duela.
Halaber, salatu du tasak berriro zehazteko ardura Espainiako Gobernuaren esku mantentzen dela eta ez dagoela bermatuta oposaketak gainditzen ez dituzten langileentzako 20 eguneko indemnizazioa, ezta lan-poltsan sartuko direla ere.
Horrez gain, gogor kritikatu du lege-dekretu bidez ezarri nahi izatea araudi berria, Kongresuan eta Senatuan eztabaidarik eta negoziaketarik egin gabe.
"Akordioa sinatzeak edota berari babesa emateak milaka behin-behineko langile publikoren kaleratzea ontzat ematea da, arlo publikoaren pribatizazioa areagotzeko erraztasunak babestea eta gabezia demokratiko nabariak dituen araudi aldaketarako izapidetza modu bat onartzea suposatzen du", azpimarratu du ohar batean.
Gauzak horrela, Euskal Herriko erakundeei eta alderdi politikoei itun hori babestu ez dezatela eskatu die. Ildo horretan, Eusko Jaurlaritzari eta Nafarroako Gobernuari lege horren kontra auzitegira jotzeko galdegin die.
Amaitzeko, sektore publikoko grebarekin bat egin zuten sindikatuekin batera, mobilizazioak antolatzen jarraituko duela agindu du ELAk.
Albiste gehiago ekonomia
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.