Tubos Reunidosentzako 112,8 milioiko mailegua onartu du Kaudimen Funtsak
Covid-19aren pandemiak kaltetutako Enpresa Estrategikoen Kaudimenari Babesa emateko Funtsaren Kontseilu Kudeatzaileak Tubos Reunidosi 112,8 milioi euroko mailegu parte-hartzailea ematea onartu du astearte honetan, konpainiak Balioen Nazio Batzordeari jakinarazi dionez. Orain, Kaudimen Funtsaren Kontseilu Kudeatzaileak Ministro Kontseiluari aurkeztuko dio eragiketa, azken horrek behin betiko onarpena eman diezaion. Hala esan dute Industria Partizipazioko Estatu Sozietatetik gertu dauden iturriek; Kontseilu Kudeatzaileak Sozietate horren bidez kudeatzen du Funtsa.
Mailegua onartzean, Kontseilu Kudeatzaileak kontuan izan du Tubos Reunidos talde estrategikoa dela, bai siderurgia-sektorean duen jardueragatik (energia berriztagarrien balio-kate osoan dauden produktuak ditu), baita sortzen duen enpleguagatik ere: 1.380 lanpostu zuzen, eta zeharkako 7.000.
Halaber, taldea non dagoen kokatuta ere kontuan izan dute; izan ere, Tubos Reunidos (altzairuzko tutuak egiten ditu) EAEn dago, eta enpresa gakoa da siderurgian eta erauzketan. Gainera, Kontseilu Kudeatzailearen iritziz, Tubos Reunidos erreferentea da industria esportatzailean; izan ere, esportazioak negozio-zifraren % 90 dira. Tubos Reunidosek 400 bat bezero ditu, eta bost kontinenteetako 66 herrialdetan lan egiten du.
Egiten dituen produktuak energia berriztagarrien balio-kate osoan daude; horregatik, Funtsaren Kontseilu Kudeatzaileak kontuan izan du ekarpen handia egiten diola energia-iragateari. Eusko Jaurlaritzak, Espainiako Gobernuak eta Europar Batasunak iragate hori bultzatu egiten dute.
Enpresak 1380 langile zuzen eta zeharkako 7000 bat ditu; hori sektorearen enplegu osoko % 7,3 da. Langile finkoak oso espezializatuta daude.
Zertarako erabiliko dute mailegua?
Tubos Reunidosek Akziodunen Batzarra egin zuen ekainaren 30ean, eta, bertan esan zutenez, mailegu parte-hartzailea erabiliko dute prozesuak hobetzeko, eraginkortasuna digitalizazioaren bidez areagotzeko, karbono-arrastoa berrikuntzaren eta produkzio-hobekuntzen bidez murrizteko, eta langileak trebatzeko.
Taldea, une honetan, 2019an zuen gaitasunaren % 75-80an dabil lanean, eta aurreikuspena da urtearen amaieran pandemiaren aurreko maila berreskuratuta izatea. 2020an 101,3 milioiko emaitza negatiboa izan zuen, eta 2019an 41 milioiko galerak izan zituen.
Halaber, Tubos Reunidosek iragarri zuen ekainaren 30etik uko egingo ziela aldi baterako enplegu-erregulazioko espedienteei, eta urteko hiruhilekoan ez zuela espedienterik eskatuko Amurrioko eta Trapagarango fabriketarako. Amurrioko Tubos Reunidos Industrialen eta Trapagarango Productos Tubularesen onartuta zeuden espedienteak, 2020ko abendutik 2021eko ekainaren 30era arte, baina Productos Tubularesen ez zen inoiz indarrean izan.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.