Langabezia % 8,9ra jaitsi da hirugarren hiruhilekoan EAEn eta 2010eko datuetara itzuli da
Langabeziak % 1,4 egin du behera hirugarren hiruhilekoan Euskal Autonomia Erkidegoan (EAE). Gainera, langabezia tasa 2010eko mailara itzuli da: % 8,9koa da orain eta % 8,8koa zen orduan. Araban, Bizkaian eta Gipuzkoan aurreko hiruhilekoan baino 15.900 langabe gutxiago daude. Guztira, 92.700 langabe eta 953.600 landun zenbatu dituzte. Pedro Azpiazu Eusko Jaurlaritzako Ekonomia eta Ogasun sailburuak balorazio positiboa egin du, baina beherakada uda sasoiari lotuta dagoela esan du.
Gizonen zein emakumeen langabeziak egin du behera, % 1,3 eta % 1,6 hurrenez hurren, eta langabezia tasa ia parean dago batean eta bestean: % 8,8 eta % 8,9.
Lanpostuak sortu direlako eta lanean pertsona gehiago daudelako izan da langabeziaren jaitsiera, Eustat Euskal Estatistika Erakundeak Biztanleria Jardueraren Arabera Sailkatzeko egindako azken Inkestaren arabera.
Hirugarren hiruhilekoan, 953.600 landun zeuden EAEn, aurreko hiruhilekoan baino 9.300 gehiago. Bizkaian hazi da gehien okupazioa (5.000), Arabaren (3.000) eta Gipuzkoaren (1.400) aurretik. Generoari dagokionez, gehiago hazi da gizonen artean (6.600) emakumeen artean (2.700) baino. Okupazioak jarduera guztietan egin du gora, industrian salbu. Sektore horretan, 1.700 pertsona gutxiago ari dira lanean.
Bestalde, hamar etxetik ia seitan lan egiteko adina duten pertsona guztiak ari dira lanean.
Hirugarren hiruhilekoan euskal ekonomia % 3,8 hazi da.
Eusko Jaurlaritza: "Objektiboki datu ona da"
Udako hilabeteetan langabeziak izandako jaitsiera "nabarmena" baloratu du Pedro Azpiazu sailburuak, baina uda sasoiari lotutakoa izan dela eta laugarren hiruhilekoan datua "zuzendu" egingo dela esan du. Gainera, onartu du oraindik ez direla helburuak bete: "Langabezia tasa % 10etik behera egotea ona da, baina askoz beherago egotea askoz hobea litzateke".
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".