Aerotaxiak eta errepide konektatuak, mugikortasun "iraunkor eta seguru" berriaren parte
Euskadiko Mugikortasun eta Logistika Klusterrak garapen-prozesuan dauden proiektu berriak aurkeztu ditu (besteak beste, aerotaxiak eta konektatutako errepideak), garraio "iraunkorrago, seguruago, garbiago eta eraginkorrago" baterako bidean.
Luis Pedro Marco de la Peña Azpiegitura eta Garraio saiburuak, Blanca de la Peña Bide Azpiegituren eta Mugikortasunaren Arabako diputatuak, Raimundo Ruiz de Escudero Gasteizko Mugikortasun zinegotziak eta Eduardo Lasa klusterreko zuzendariordeak eman diote hasiera Euskadiko XII ITS Biltzarrari, Miñaoko Parke Teknologikoan, eta bertan aurkeztu dituzte aipatutako proiektuak.
Guztiek nabarmendu dute sektorea une "disruptibo" bat igarotzen ari dela, mugikortasun berri baterako bidean, "iraunkorra, segurua, garbia eta eraginkorra" izango dena. Halaber, garraioaren erabilera berriei, energia-iturriei eta konektagarritasun-zerbitzuei buruz hitz egin dute.
Gainera, hiru erakundeek konpromisoa hartu dute lankidetza publiko-pribatuarekiko, lurraldeak mugikortasun berri horretarantz izango duen bilakaerari laguntzeko eta enpresei berrikuntza horiek ezar ditzaten errazteko. Hain zuzen, 12 proposamen berritzaile aurkeztu dituzte esparru horretan.
Horien artean, Bizkaiko Aldundiak eta Tecnaliak "Bizkaia Connected Corridor" proiektua erakutsi dute, AP-8 autobidean 57 kilometroko probetarako laborategi bat ipintzeko, ikerkuntza aplikatuari eta garapen teknologikoari laguntzeko. Teknologia hori azpiegituraren kudeaketan integratuko dute, eta eta eguneroko informazio-zerbitzu praktikoa emango die, denbora errealean, horretarako egokitutako ibilgailuak dituzten gidariei.
Ibilgailuei dagokienez, Irizar e-Mobility-k hainbat ekimen aurkeztu ditu, adibidez garraioak kudeatzeko eta hodeian egongo den sistema bat.
Banakako mugikortasunari dagokionez, bi proposamen egin dituzte. Alde batetik, Zenialabsek "e-Trikes" (triziklo elektriko) berriak aurkeztu ditu, erabiltzaile pribatuari zuzendutakoak, baita mugikortasunaren inguruko negozio-eredu berriei ere.
Tecnaliak eta Umilesek, bestalde, aerotaxia ekarri dute hitzordura. Bidaiarien garraioaren etorkizunarekin bat egitea du helburu proposamenak. Aerotaxiak pertsona bat garraiatzeko ahalmena dauka, 15 minutuko hegaldietan, 15 kilometroko irismenarekin. Prototipoa kabina aerodinamiko batek osatzen du, mugiarazten duten lau dronerekin batera.
Zure interesekoa izan daiteke
Sindikatuek LGS propioa, pentsio eta soldata "duinak" edota etxebizitza eskubidea aldarrikatuko dituzte maiatzaren 1eko mobilizazioetan
ELA eta LAB bakoitza bere aldetik aterako dira kalera, ESK eta LSB-USO bezala; CCOO eta UGT, aldiz, elkarrekin mobilizatuko dira. Alderdi politikoek ordezkariak bidaliko dituzte deialdi horietako askotara.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.
Brent upela % 5 baino gehiago garestitu da ostegun honetan, 126 dolarrera ere iritsita
Pasa den otsailaren 28an AEBk eta Israelek Iranen aurkako gerra abiatu zutenetik, Brent upela % 70 baino gehiago garestitu da.
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.