ArcelorMittal Sestaok otsailean berrekingo dio jarduerari, ez urtarrilean, aurreikusi bezala
Joan den abenduaren 7an gelditu zuen ekoizpena ArcelorMittal Sestao lantegiak, mantentze-lanak egiteko eta isurketa jarraituaren bigarren lerroa birmoldatzeko. Jarduerari urtarrilean berrekitea zen hasierako asmoa, baina otsailera atzeratuko da itzulera.
Sestaoko ArcelorMittal lantegiko zuzendaritzak enpresa batzordeari jakinarazi dionez, lantegiak "ez dio jarduerari urtarrilaren hasieran berrekingo", sindikatuetako iturriek EFE albiste agentziari jakinarazi diotenez, "energia kostu handiak" argudiatuta.
Asteazkenean egindako bileran, lantegiko zuzendaritzak hiru lantaldeko lan-egutegia aurkeztu zien sindikatuei, ohiko bost lantaldeko lan-egutegiaren ordez, hain zuzen ere, enpresak "lantegia berriz martxan ez jartzea" erabaki zuelako eraldaketa-kostuengatik. Halaber, jakinarazi zien ez zutela abiatze-datarik aurreikusi.
Sindikatuen arabera, ostegun honetan bertan lantegiko zuzendaritza behin-behineko ehun bat langileri "kaleratzea jakinarazten" hasi da, eta Sestaoko ekoizpena taldeak Espainian dituen beste lantegi batzuetara birbideratzeen ari dira.
Enpresak adierazi du "atzeratu" egin dutela abiatzea, bigarren linea birmoldatzeko lanek "aurreikusitakoa baino denbora gehixeago" beharko dutelako, eta konpainiak egindako "azken plangintza" betez gero, baliteke Sestaoko lantegia "otsailean" abiatzea.
"Merkatu energetikoaren egoerak ez du laguntzen", esan du, baina "ez da arrazoi nagusia" lantegia martxan jartzeko prozesua atzeratzeko; hala ere, "kontuan hartzeko faktorea" da, enpresaren iritziz.
"Urtarrilean egoera nola dagoen ikusi beharko dugu, baina, gaur-gaurkoz, otsailean berriro martxan jartzea da asmoa", adierazi du ArcelorMittalek.
Enpresaren arabera, 50-60 langileri etengo zaie kontratua, aldi baterako lanerako enpresetakoei, baina, berriz hartuko omen dituzte lantegia berriro hasten denean martxan.
Langileek urtarrilean isurketaren bigarren lerroa mantentzeko lanekin jarraituko dute, baita "lan egiteko modu berria" ikasteko prestakuntzarekin ere; izan ere, plangintza berriaren arabera, lantegiak etengabeko bi isuri-lerro eta bi labe izango ditu.
Sindikatuetako iturrien arabera, enpresaren iragarpena "albiste txarra" da, batez ere, ez dagoelako ekoizpenari berriz ekiteko datarik.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".