ACB Sestaok ekoizpena etengo du azaroaren bukaeratik urtarrilera arte
ArcelorMittal taldeak Sestaon duen Acería Compacta de Bizkaia (ACB) enpresak ekoizpena geldituko du azaroaren amaieratik 2022ko urtarrilera arte, EITB Mediak jakin duenez.
Enpresako zuzendaritzak nahiz langile batzordeak duela egun batzuk iragarri zuten itxiera hori gertatuko zela, baina ez zuten data zehaztu. Alabaina, konpainiako iturriek baieztatu dute geldialdia azaroaren amaieran egingo dutela eta urtarrilera arte iraungo duela.
Enpresak azaldu duenez, argindarraren prezioen gorakadagatik etengo da ekoizpena. Orain eman duen argudio hori ez dator bat, ordea, ArcelorMittal Sestaoko zuzendaritzak berak ostiralean emandakoarekin; izan ere, orduan ohar batean adierazi zuenez, geldialdia "aurreikusitako ingeniaritza-lanetarako" izango da, "hobekuntza-plan batean" kokatzen diren lanak. Plan horri esker, lantegiaren urteko ekoizpen-ahalmena 1,6 milioi tonaraino handitu ahalko da 2023an, eta baita ekoitzitako altzairu tona bakoitzeko CO2 emisioen maila 500 kg-ra murriztu ere, zuzendaritzaren esanetan.
UGT, CCOO, LAB eta ELA sindikatuetako batzordeko kideek ostiralean adierazi zutenez, langileek errefusatu egin dituzte enpresak proposatutako "antolaketa-aldaketak", eta, euren ustez, "xantaia" da ACBko zuzendaritza egiten ari dena: "Alde sozialari xantaia egiten ari da Sestaoko ekoizpenari berriro ekiteko baldintzatzat jarriz aldebakarreko antolaketa-aldaketen proposamena onartzea, bai eta aldaketa horiei estaldura emateko hitzarmeneko puntu batzuk berrikustea ere".
Itxierak behin-behineko ehun langile baino gehiago kaleratzea ekarriko du.
Langileek salatu dutenez, "egungo energia-koiunturak eragin zuzena izan du ekoizpen kostuetan, eta horrek gure produktuen lehiakortasuna oztopatzen du", baina enpresak "gaur egun marjina handiak ditu bere irabazietan". Hori dela eta, langileek salatu dute enpresak "berriro ere langileen eta diru-kutxa publikoen gain deskargatzen dituela bere interes-jokoak".
Zure interesekoa izan daiteke
Guardien eta soldaten sisteman hobekuntzak jasotzen dituen akordio-proposamena aurkeztuko du Osakidetzak astelehenean
Euskadiko Medikuen Sindikatuak positibotzat jo du proposamena, baina irailerako aurreikusitako greba mugagabearen deialdiari eutsi dio, Osasun Ministerioarekin ez baitago adostasunik Estatutu Marko propioaren inguruan.
Akordioa Osakidetzaren eta sindikatu medikoen artean, guardien antolaketa aldatzeko
Osasun Sailak asteleheneko mahai sektorialera eramango du medikuen lan-baldintzak hobetzea helburu duen akordio-proposamena. Testuak honako hauek aurreikusten ditu, batik bat: guardien eredua berrikustea, atseden-sistema hobetzea, guardien ordainsaria mailaz maila handitzea eta lanbide-aitorpena indartzea. Bestalde, Euskal Medikuen Sindikatuak nabarmendu du hitzarmenak ez dituela bere aldarrikapen guztiak asetzen, baina aurrerapauso esanguratsutzat jo du, eta, gainera, egungo gatazka giroa baretzen lagun dezakeela uste du. Alberto Martinezek, Eusko Jaurlaritzako Osasun sailburuak, azaldu du antolaketa aldaketa hau "baloratzeko lan taldeak sortuko" dituztela.
EAEko BPGa % 2,1 igo da bigarren hiruhilekoan iaztik, eta % 0,5 lehenengo hiruhilekotik
Eustatek egindako hiruhilekoko kontu ekonomikoen aurrerapenaren arabera, EAEko enplegua % 1,3 igo da urteko bigarren hiruhilekoan, 2025eko bigarren hiruhilekoarekin alderatuta, eta % 0,4 2026ko lehen hiruhilekoarekin alderatuta.
Miraik, Jainagaren konpainiak, estaldura elektrolitikoak egiten dituen Reco enpresa bizkaitarra erosi du
Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Dependentziarako laguntzak finantzatzeko akordioa lortzeko Kontzertu Ekonomikoaren garrantzia azpimarratu du D'Anjouk
Noel d'Anjou Eusko Jaurlaritzako Ogasun eta Finantza sailburuak Euskadi Irratian adierazi duenez, Euskadiren kasuan dependentziarako laguntzen % 50 Estatuak finantziatuko ditu, Kontzertu Ekonomikoaren baitan lortutako akordioari esker. Prozesua "zaila eta oso teknikoa" izan dela adierazi du, baina azkenean lortu egin dela nabarmendu du. Menpekotasunaren konpetentzia Foru Aldundiena dela gogorarazi du, eta, horrez gain, iragarri du urrian Herri-Dirubideen Euskal Kontseiluak egingo duen bileran erabakiko dutela nola banatu Madrildik etorriko den finantzazioa.
Balenciaga Shipyardek aro berri bati ekin dio bere lehen ontziaren gila jarrita, eta itxieraren mehatxua atzean utzi du
Inaugurazio ekitaldia gaur goizean izan da, Zumaiako Balenciaga Shipyarden portuko instalazioetan bertan. Mikel Jauregi Industria, Trantsizio Energetiko eta Jasangarritasun sailburua "hilabete askotako hotzaren eta hodeitzar beltzen" ondoren, ontziola zumaiarrak "etorkizun oparoa" duela eta pozik agertu da.
Euskadik 407 milioi euro izango ditu mendekotasun sistema finantzatzeko 2027an, duela hiru urte halako bi
Akordio berriari esker Estatuak gastuen % 50 finantzatuko dituela, eta ekarpen hori "babestu" egingo dela etorkizuneko lege aldaketen aurrean.
Urtean 250 milioi euro gehiago emango dizkio Espainiako Gobernuak EAEri, mendekotasun arreta finantzatzeko
Kontzertu Ekonomikoaren gaineko Batzorde Mistoak, aho batez, onartu egin du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendekotasun sistemara bideratutako gastuen % 50 Estatuak ordainduko ditu datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.
EAEko familien gastua % 7 hazi da, garraioan eta osasunean izandako hazkundearen ondorioz gehienbat
EUSTATen arabera, 2025ean EAEko familiek, batez beste, 38.800 euro gastatu zituzten, eta kopuru horretan etxebizitzak hartu zien gastuaren herena baino gehiago (% 34,5).