Sestaoko ACBk ekoizpena etengo du datozen asteetan
Sestaoko ACBk (Bizkaiko altzairu fabrika), ArcelorMittal taldekoak, ekoizpena etengo du 2022ko hasierara arte, enpresa batzordeak zein zuzendaritzak jakinarazi dutenez. Nolanahi ere, erabakia hartzeko arrazoi ezberdinak eman dituzte bi aldeek.
Enpresa batzordeko kide diren UGT, CCOO, LAB eta ELA sindikatuek salatu dutenez, langileen ordezkariek ez zituzten onartu enpresak egin nahi zituen "antolaketa aldaketa" batzuk, eta hori dela eta ebatzi du geldialdia egitea.
Sindikatuek "erabat baztertu" dituzte zuzendaritzak ekoizpena eteteko emandako arrazoiak, eta kritikatu dute "aldi baterako 70 langile baino gehiago kaleratuko" lituzketela.
Enpresa batzordearen arabera, "horrelako geldialdi batek langileei eragiten dizkien babesgabetasuna eta urduritasuna baliatu du enpresak alderdi sozialari xantaia egiteko. Ekoizpenari berriro ekiteko antolaketa aldaketa horiek onartzea jarri digute baldintzatzat, baita hitzarmeneko puntu batzuk ere berrikustea ere".
Azaldu dutenez, proposamenari uko eginez gero, zuzendaritzak "kaleratzeekin jarraitzearekin, aurre-erretiro egoeran dauden langileen irteera blokeatzearekin eta urtarrilerako plantaren berrabiaraztea ez ziurtatzearekin mehatxu egin du".
Sindikatuen esanetan, "egia bada energiaren egungo egoerak eragin zuzena izan duela transformazio kostuetan eta gure produktuen lehiakortasuna gutxitu duela, baina enpresak etekin handiak ditu. Ekoizpena etetea erabaki du zuzendaritzak, beste behin langileen eta diru publikoaren kontura. Gainera, altzairu eskari handiaren aurrean irabaziak areagotzeko, multinazionalak argindarraren kostua txikiagoa duten beste ekoizpen zentroetara bideratu du ekoizpena".
"Hobetze lanak", ArcerlorMittalen hitzetan
Bestalde, ArcelorMittal Sestaoren zuzendaritzak jakinarazi du etenaldia "aurreikusitako ingeniaritza lanak burutzeko" egingo dutela. "Hobekuntza plan baten testuinguruan" kokatu kokatu du enpresak geldialdia, bi helburu izango dituena: 2023rako urteko ekoizpen ahalmena 1,6 milioi tonara igotzea eta ekoitzitako 500 kilo bakoitzeko CO2 isuriak jaistea.
Enpresaren arabera, aldaketoi esker "XCarb* etiketadun altzairua (% 100ean energia berriztagarriekin egindako altzairua) ekoitziko du ACBk 2022ko bigarren hiruhilekoaren aurretik, bezeroek egindako eskariei erantzunez".
Multinazionalak Europa Press agentziari azaldu diotenez, hobetze lan horiek abendurako zeuden aurreikusita baina hilabete aurreratu dituzte "argindarraren garestitzeagatik".
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.