Mitxel Lakuntza: "Lan erreforma lehen genuena baino okerragoa da alderdi eta sindikatuen oniritzia duelako"
Espainiako Gobernuak mahai gainean duen lan erreformari buruz galdetuta, aurreikus zitekeen egoera okerrena dela nabarmendu du Mitxel Lakuntza ELAko idazkari nagusiak. Haren esanetan, aurrekoa baino okerragoa da Espainiako Gobernua osatzen duten alderdien eta UGT eta CCOO sindikatuen babesa duelako. Euskadi Irratiko "Faktoria" saioan egin dioten elkarrizketan esan du EAJrekin eta EH Bildurekin harremanetan daudela eta publikoki lan erreformaren kontra erakutsi duten jarrera irmoari eusteko asmoa agertu dutela amaierara arte.
Diputatuen Kongresuak lan erreformari babesa ematen ez badio zer gertatuko den galdetuta, gaur egun indarrean dagoen lan araudia indargabetzeko prozesua abiatu beharko litzatekeela erantzun du. Ildo horretan, ELAren lehentasuna LABekin lan erreformaren kontrako erantzuna antolatzea dela azpimarratu du.
Erreforma horrekin kontratu motak mugatu egingo badira aurretik epaitegiek horrela ebatzi dutelako dela azpimarratu du, jurisprudentzia dagoelako. Kontratuei lotutako arazoa ikuskaritza falta dela salatu du: "Ez dago ikuskaritzarik, ez dago jarraipenik eta ez dira zigortzen". Kaleratzeen inguruan ez dela aldaketarik egon eta gaia mahai gainean ere ez dela egon adierazi du.
Horrez gain, koalizio gobernua osatzen duten PSOE eta Unidas Podemos alderdien aurka egin du, beren hauteskunde programan lege erreforma indargabetu zutela esan eta agindutakoa bete ez dutelako. Elkarrizketa mahaiak hauteskunde programak ez betetzeko "koartada" bat direla deitoratu du: "Elkarrizketa mahaiak sindikatuentzat tranpak dira; patronalarentzat, altxorra".
Koronabirusaren seigarren olatuan langile asko gaixotu dira eta Osakidetza gaixo agiri sistematikoak ematen hasi da. Lakuntzaren esanetan, ez dago baliabide nahikorik, eta horregatik hartu dute erabaki hori. Horren arabera, Eusko Jaurlaritza inprobisatzen eta erabakiak alde bakarrez hartzen ari da, osasungintzan ez ezik hezkuntzan ere gaixo dauden langileak ordezkatzeko.
Osakidetzan kontratatu litezkeen langile guztiak kontratatu direla esaten du Osasun Sailak, baina auzia beste bat da, Lakuntzaren ustez. Bi kontu aipatu ditu: batetik, zer planifikazio egin den aurretik, eta, bestetik, nola zaindu diren eta zer tratu eman zaien osasun langileei.
Eusko Jaurlaritzak Hezkuntzako 206 irakasle ingururi Irale programa etetea salatu du, lan egiteko prest dagoen jendea dagoelako Hezkuntzaren zerrendetan.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.