Otegi: "Lan erreforma negoziatzeko esparrurik dagoen ere zalantzan jartzen dut"
Arnaldo Otegi EH Bilduko koordinatzailea ezkor agertu da Espainiako Gobernuak CEOE eta CCOO eta UGT sindikatuekin adostutako lan erreformarekin. Negoziatzeko esparrurik dagoen ere "zalantzan" jarri du, eta hala, orain % 100ean kontra bozkatuko dutelakoan dago.
ETB1eko "Egun On Euskadi" telebista saioan luze eta zabal aritu da lan erreformaren inguruan, eta Espainiako koalizio gobernuaren jarrera kritikatu du. "Ezkerrak bere promesak bete behar ditu, bestela sinesgarritasuna galtzen duelako. Bete ezin baditu, azaldu beharko du zergatik (...) Yolanda Diazek ezin du saldu sekulako erreforma balitz bezala", argudiatu du.
Adierazi duenez, "intuizioa dut CEOEk baldintza jarri duela: 'akordio hau ez da ukitzen, eta aldatzen bada, ni banoa'. Orduan honako galdera egingo nioke Espainiako Gobernuari: Zuk norekin atera nahi duzu erreforma, CEOErekin edo bazkideekin?".
Otegiren aburuz, Confebaskek arrazoia du erreforma honek 2012koaren marko bera duela esatean, eta bi marra gorri aipatu ditu, EH Bilduk onartuko ez dituenak. Batetik, "hemengo hitzarmenak" Estatukoen gainetik egotea "bermatzea", eta bestetik, kaleratzeen auzia. Lehenengoaren harira, azpimarratu du EAEn 2017an sinatutako lanbideen arteko hitzarmenak ez duela "ziurtasun juridikorik" ematen eta erantsi du erreforma berriak "oso argi, idatziz" jaso beharko lukeela kontu hori. Bigarrenaz, kaleratzea hain merkea izatea onartuko ez dutela berretsi du. "Guk oso argi dugu zein den gure posizioa: ez babestea inondik inora lan erreforma hau eta herri ikuspegitik egingo dugu, sindikatuekin, pentsiodunekin..."
Izan ere, EH Bilduko koordinatzailearen esanetan, arazoetako bat da "Euskal Herritik 500 kilometrora dagoen mahai batean erabakitzen dela harremana laboralak nolakoak izango diren. Herri honetako gehiengo sindikalak ez du hitzik, gainera".
Zure interesekoa izan daiteke
Iriartek kudeaketa berria aldarrikatu du, eskumen gehiago eta aurrekontu handiagoarekin
Elkarlanean aritzeko gogoz agertu da Alain Iriart, Euskal Hirigune Elkargoko presidente berria: oreka bilatu nahi du kostaldeko eta barnealdeko guneen artean. Iriartek kudeaketa berria aldarrikatu nahi du, eskumen gehiago eta aurrekontu handiagoarekin. Horrez gain, euskara sustatu nahi du, bat-bateko itzulpena bermatuz Euskal Hirigune Elkargoaren bileretan.
II. Errepublikaren 95. urteurrenaren kariaz, ekitaldia egin dute Ezker Anitza-IUk eta PCE-EPKk Eibarren
Ekitaldian, "indarrak batzeko beharra" aldarrikatu dute, "erabateko demokrazia" eta "bakearen aldeko jarrera" bermatuko duen Errepublika lortzeko bidean. Era berean, ohartarazi dute faxismoaren oinordekoen asmoak ez direla aldatu, garai bateko asmo berberak dituztelako.
Saibigaingo guduan desagertutako gudari eta milizianoak omendu dituzte
Saibigain mendian, Gerra Zibilean desagertu ziren euskal gudari eta milizianoak omendu dituzte. Lore eskaintza egin diete mendi puntan dagoen monolitoan. Bertan bildutakoek gertakari horiek inoiz ez ahazteko eskatu dute.
Ansolak uste du EAJk zeregin nabarmena beteko duela Euskal Hirigune Elkargoan
Iñigo Ansola BBBko presidenteak nabarmendu du Peio Etxeleku jeltzaleen ordezkariak aldaketaren alde egin duela Euskal Hirigune Elkargoan, Hegoaldearekiko harremana sendotzeko asmoarekin. Ildo horretatik, jeltzaleen babesa Ipar Euskal Herriko logikan ulertu behar dela berretsi du.
Espetxe eskumenak eskuratu zituenetik Eusko Jaurlaritzak "indarrean dagoen legedia bete" duela esan du Zupiriak
Bingen Zupiria Segurtasun sailburuak azpimarratu duenez, Eusko Jaurlaritzak "legea bete du" espetxe eskumenak bere gain hartu zituenetik, eta, nolanahi ere, Justizia da "azken hitza izango duena". Horrez gain, azken egunotan agertutako pintaketak gaitzetsi ditu.
EAJk salatu du pintaketak agertu direla Mendaroko batzokian
Pintura beltza baliatuz, besteak beste, "EAJ español. Faxistak kanpora!" idatzi dute pintaketa horietan, baita igitaiaren eta mailuaren irudia egin ere.
Omenaldia egin diete Gerra Zibilean hildako Iruñeko zinegotzi eta udal langileei
Gerra Zibilean fusilatu zituzten Iruñeko udal beharginei omenaldia egin diete gaur haien senitartekoek Nafarroako hiriburuan, eta gertatu zenari buruz kontatutakoa "gezurra" dela esan dute ekitaldian. "Ez da egia gerran denok galdu genuela, irabazleak egon baitziren. Horregatik, egia, justizia eta ordaina aldarrikatzen jarraituko dugu", azpimarratu dute.
Alain Iriart hautatu dute Euskal Hirigune Elkargoko lehendakari
Hiriburuko (Lapurdi) ezker abertzaleko auzapeza bederatzi urtez lehendakari izan den Jean-Rene Etchegarayri gailendu zaio. Bigarren bozketan lortu du Iriartek Lehendakaritza, aurrenekoan ezein hautagaik ez baitu gehiengo osorik lortu. Iriartek alkate izateari utziko diola iragarri du, Elkargoan buru-belarri aritzeko.
Jean-Rene Etchegaray eta Alain Iriart, Euskal Hirigune Elkargoko lehendakari izateko borrokan
Bi hautagaiek bildu dituzte boto gehien lehen bozketan: Etchegarayk 99 eta Iriartek 80. Etxeleku jeltzalea eta Lesellier eskuin muturreko hautagaia ez dira bigarren bozketara aurkeztu, eta lehenengoak iragarri du Iriarten alde egingo duela.
Frantziako Fiskaltzak bete beharrekoa ez den bost urteko zigorra eskatu du Josu Urrutikoetxearentzat
Frantziako estatutik behin betiko kanporatzeko ere eskatu du fiskalak; defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.