Auzitegiak ebatzi du Bizkaian ezin dela behartu Errenta aitorpena Internetez egitera
EAEko Justizia Auzitegi Nagusiak Bizkaiko PFEZ araudiaren zati bat bertan behera uztea ebatzi du, errenta aitorpena Foru Aldundiaren egoitza elektronikoan aurkeztu behar izatearen puntua hain zuzen ere.
Bizkaiko Aldundiak ohar batean azaldu duenez, auzitegiak arrazoia eman dio salaketa sartu zuen herritar bati aitorpena nahitaez Internet bidez egin behar izatearen eta jakinarazpenen inguruan.
Gatazka 2021eko errenta aitorpenarekin hasi zen, orduan ekin baitzion Bizkaiko Foru Aldundiak errenta aitorpenaren eredu berriari. Protesta ugari eragin zuen, tartean pentsiodunen mugimenduarena. Apirilaren 27an Bizkaiko Aldundiak akatsak onartu zituen kalkuluan, eta 29an Unai Rementeria ahaldun nagusiak barkamena eskatu zuen eredu berriaren "buruhausteengatik".
Errenta aitorpenaren eredu berriak pentsiodunen kexa ugari eragin ditu
Herritar batek salatu zuen komunikazio bidea Internetera mugatu zutela eta auzitegiak arrazoia eman dio hein batean.
Foru Aldundiak esan du ez duela bat egiten "Auzitegiak egiten duen interpretazioarekin", herritarrek "aitorpena Internetez, telefonoz eta aurrez aurre" egiteko aukera izaten jarraitzen dutela.
Aldundiak zehaztu du aurreko urtean, % 25,6k aurkeztu zuela errenta aitorpena telefonoz, bulegoetan edo automatikoki.
Jakinarazpenen kasuan, berriz, Aldundiak azaldu du "paperean ere" bidaltzen dizkiela "egoitza elektronikoan sartzen ez diren pertsonei".
Hori dela eta, helegitea iragarri du Auzitegi Gorenean, baina, era berean, indartu egingo du aitorpena telefonoz eta aurrez aurre egiteko arreta zerbitzua.
Zure interesekoa izan daiteke
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako Ogasunek egindako autolikidazio proposamenak onartu edo aldatu dezakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.