Kanpaina aurreratuko du eta zergadun guztiei errenta aitorpena egingo die Bizkaiak
2020ko errenta aitorpena aurkezteko kanpaina hilabete aurreratu dute aurten Bizkaian. Hain zuzen ere, apirilaren 6tik ekainaren 30era, Foru Ogasunak errenta aitorpena eginda bidaliko die etxera zergadun guztiei estreinakoz, langile autonomoei baita.
Jose Maria Iruarrizaga Foru Ogasuneko diputatuak eta Iñaki Alonso Ogasuneko zuzendari nagusiak aurtengo kanpainaren berrikuntzak aurkeztu dituzte astearte honetan, prentsaurreko batean. Haien hitzetan, "modu errazagoa eta erosoagoa" aukeratu dute aurtengo kanpainarako.
Iruarrizagak esan du eredu berri horren helburua dela Bizkaiko zergadun guztiak errenta aitorpena egitera behartzea.
Hartara, errenta proposamen bat jasoko dute etxean bizkaitar guztiek. Orain arte, gutxi gorabehera, zergadunen % 55ek jasotzen zuten proposamen hori. Iaz, adibidez, 200.000 pertsonak beren kabuz egin behar izan zuten errenta aitorpena, programa informatiko baten laguntzarekin, eta beste 63.000 zergadunek banketxera jo behar izan zuten.
Eredu berri honekin, baina, pertsona guztiek jasoko dute errenta aitorpenaren proposamena, nahiz eta zenbait kasutan ez den "guztiz osatuta" egongo, Ogasunak ez dituelako datu guztiak ezagutzen. Kasu horietan, zergadunekin jarriko dira harremanetan, datu horien berri izateko.
Atonomoak
Esan bezala, orain arte ez bezala, behargin autonomoek ere etxean jasoko dute errenta aitorpena; guztira, 70.000 pertsona inguruk.
Bestalde, Iruarrizagak aurreratu du errenta aitorpena aurkeztera behartuta ez daudenek ere jasoko dutela zirriborroa. Modu horretan, dirua itzuli behar bazaie, errenta aitorpena egiteko aukera izango dute. Kontrara, Ogasunari dirua itzuli behar badiote, ez dute aitorpena egin beharrik izango.
Apirilak 6, kanpainaren lehen eguna
Iñaki Alonsok iragarri du apirilaren 6an hasiko dela aurtengo kanpaina, eta zergadunek www.bizkaia.eus/errenta webgunean edo "Bizkaia Errenta" aplikazioan izango dutela errenta aitorpena kontsultatzeko aukera.
Horretarako, ezinbestekoa izango da digitalki identifikatzea, konfidentzialtasuna eta segurtasuna bermatze aldera.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".