Petrolio-upelaren prezioak gora egin du, baina argindarra eta gasa merkatu egin dira
Petrolio-upelaren prezioak gora egin du, 124,96 dolarreraino (Euskal Herrian 10:00ak zirenean). Atzoko marka hautsita, % 1,4ko igoera izan du azken orduetan.
Hornigai nahikorik egongo ez den beldur, prezioak etengabe ari dira igotzen. Bien bitartean, Errusiatik datorren petrolioari buruzko eztabaida abiatu du Europar Batasunak, Ukrainako gerrari erantzun bat eman nahian-edo.
Oraingoz, baina, ez dio Errusiako petrolioari betoa jartzeko erabakirik hartu. Eurostatek 2019an emandako datuen arabera, Errusiatik dator Europan kontsumitzen den petrolioaren % 27. Horren aurrean, hainbat neurri aurkeztuko dituzte gaur bertan, kontsumo hori jaiste aldera.
Alemaniako, Herbehereetako eta Erresuma Batuko gobernuek, bestalde, zuhurtziaz jokatzeko deia egin dute, eta Errusiari erositako erregaien kontsumoa pixkanaka murriztearen alde agertu dira. Bestela, hornidura arazoak egon litezke, eta prezioen egoerak ez luke etenik izango.
Argindarra % 13 merkatu da
Gaurkoan goia jo ostean, biharko aurreikuspenek baretu egin dute argindarraren prezioaren etengabeko gorakada. Izan ere, gaur baino % 13,21 merkeago egongo da asteazkenean argindarra: 472,97 euro/MWh.
Batez beste, beraz, 75 euro jaitsiko da argindarraren prezioa, astelehenean estreinakoz 500 euroren langa gainditu ondoren.
Ordu-tarteak kontuan izanda, 19:00etatik 20:00etara egongo da garestien: 605 euro/MWh. Merkeen, aldiz, 13:00a eta 14:00ak bitartean egongo da: 356,74 euro/MWh.
Gas naturalaren prezioa 200 euroraino jaitsiko da
Gas naturalaren kontratuen kotizazioak ere beheranzko joera hartu dute, 200 euroraino. Astelehean hautsi zituen markak gasaren prezioak: 345 euro/MWh.
Gaur goizean ere goranzko bideari eutsi dio, baina egonkortzera egin du egunak aurrera egin ahala.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".