Anoetako Topo geltokiak bigarren atari bat izango du
Eusko Jaurlaritzako Lurralde Plangintza, Etxebizitza eta Garraio Sailak Anoetako geltokia osorik eraberritzeko proiektua lizitatuko du datozen asteetan. Proiektuaren barruan, lurrazalean bigarren atari bat eraikitzea, nasak birgaitzea eta Aita Donostia plazako bideak berrantolatzea dira lanik nabarmenenak. Jarduketaren aurrekontua hamar milioi eurokoa da, eta lanak gauzatzeko epea 30 hilabetekoa, Iñaki Arriola sailburuak ostiral honetan iragarri duenez.
Anoeta bigarren geltokia da Topoaren erabiltzaile kopuruari dagokionez, eta 2019an 2.000.000 bidaiari baino gehiago izan zituen. Lugaritz eta Easo arteko trenbide saihesbidea martxan jarrita, zenbatetsi da ustiapen modelo berriak joan-etorri kopurua era progresiboan handituko duela.
Horregatik guztiagatik, jarduketaren helburu nagusia da Anoetako geltokia Hendaia eta Zumaia artean ezarriko den zerbitzu eskaintzara egokitzea, segurtasuna, irisgarritasuna, erosotasuna eta energia eraginkortasuna hobetzeko geltokia birgaituz.
Geltokiko egungo ataria 1990eko hamarkadaren hasieran eraiki zen, estadioarekin batera, eta une honetan ez da nahikoa egungo eskariari erantzuteko, ekitaldi handiak dauden egunetan batez ere. Horregatik, sarbide berria eraikiko da Hendaia aldean. 180 gradutan sarrera eta irteera izango duten igogailu irisgarriak izango ditu, egungo ataria osorik eraberrituko da, instalazioak eguneratuko dira, argiztapena teknologia eraginkorragoetara egokituko da, nasetako estaldurak eta altzariak eta geltokiaren kanpoko ingurua berrituko dira.
Lan horiek guztiak amaitu eta sarbide berria martxan jarri ondoren, obra eremua Anoetako geltokiko sarrera zaharrera lekualdatuko da. Sarrera hori eraitsi egingo da, eta, horren ordez, atari berriaren antzeko egitura bat instalatuko da, inguruari koherentzia arkitektonikoa emateko. Aldi berean, nasak luzeran zabaltzeaz gain, tonu argiagoz estaliko dira eta argiztapena hobetuko da, segurtasun eta garbitasun sentsazio handiagoa transmititzeko.
Zure interesekoa izan daiteke
Aldatuko dute Ertzaintzarako LEPen fase psikoteknikoen baremazioa, aurrekoan % 90ek ez baitzuten gainditu
2028an 8.000 agente izatea helburu duen Ertzaintzaren Enplegu Plana aurkeztu du Bingen Zupiria sailburuak Gobernu Kontseiluan, eta 150 plazako LEPa egingo dela iragarri du.
Adegik Donostian duen egoitzan pintadak egin dituzte eta margoz lohitu dute
Inork ez du erasoa bere gain hartu. Eider Mendoza Gipuzkoako ahaldun nagusiak eta Muriel Larrea Gipuzkoako PPren presidenteak pintadak gaitzetsi dituzte.
Euskadi talentua eta atzerriko inbertsioak erakartzeko oso egoera onean dagoela dio Orkestrak
Lehiakortasunaren institutuko ikertzaile Mikel Gaztañagak Euskadiko Lehiakortasun Txostena 2025 txostena aurkeztu du gaur Deustuko unibertsitatean. Horretan, Euskadik dituen indarguneak eta gabeziak aipatzen dira eta, besteak beste, internazionalizazio estrategikoaren aldeko apustua egin behar dela nabarmendu du.
CCOO sindikatuak salatu du Correosek lan-baldintzak "prekarizatuko" dituela Araban, banatzeko patineteak sartuko ditu eta
Sindikatuaren esanetan, ezarpen horrek "istripuak izateko arrisku larria" ekarriko luke.
Salgaien garraiolariak hitzarmen berria izateko mobilizatu dira Nafarroan
Sindikatu deitzaileek (UGT, LAB, CCOO, ELA) gogorarazi dute sektorearen Nafarroako hitzarmena, 5.000 langileri eragiten diena, duela 17 urtekoa dela. ANET patronalarekin negoziazioak "blokeatuta" daudela ohartarazi dute, eta 24 orduz greba eginda presioa egin nahi dutela, bilerak deitu ditzaten.
Merkantzia garraioko langileek 24 orduko greba egingo dute Nafarroan, hitzarmen berri bat eskatzeko
UGTk, CCOOk, ELAk eta LABek lanuztera dituzte kamioilariak gaur gaueko 22:00etatik asteleheneko 22:00etara. Horrela, sindikatuek presioa egingo dute 17 urtean berritu ez duten hitzarmenaren negoziazioetan aurrera egiteko.
Sindikatuek irmotasuna eskatu diote errektoreari, EHUren "azpifinantziazioaren" aurrean
Sindikatuek errektoretza-taldeari eskatu diote presioa egin diezaiola Eusko Jaurlaritzari finantzaketa handitzeko eta EHUko irakaskuntza eta lan-baldintzak ez hondatzeko.
Sestaoko Arcelor Mittaleko langile batek zauri larriak ditu beso batean, lanerako tresna bat gainera erorita
ELA sindikatuak lantegian ezbeharrak behin eta berriz gertatzen direla salatu du, eta langileen segurtasuna bermatzeko prebentzio neurri “erreal eta eraginkorrak” eskatu ditu.
De Guindosen esanetan euroguneko ekonomia uste baino hobeto doa eta interes-tasen maila egokia da
Europako Banku Zentraleko presidenteordearen hitzetan, Espainiako ekonomia, hazkundeari dagokionez, "ondo doa", % 3 inguruko mailarekin, gaur egun eurogunerako EBk proiektatzen duena (% 1,3 aurten) baino askoz ere maila altuagoan. Adierazi duenez, hazkunde horren atzean inmigrazioaren ondoriozko biztanleriaren hazkunde "oso garrantzitsua" dago, eta ohartarazi duenez, egungo eskaerari aurre egiteko horren beharrezkoa den "alokairuko etxebizitzaren eskaintza mugatzen ari da erregulazioa".
ELAk eta LABek Euskal Autonomia Erkidegoko Justizia Auzitegira eraman dute Confebask, soldata minimoaren alde
Sindikatuek dagoeneko formalizatu dute Confebasken aurkako demanda, Euskal Autonomia Erkidegoko Justizia Auzitegian aurkeztutakoa, patronalak Euskadirako gutxieneko soldata propio bat negoziatzeari uko egin diola iritzita.