Euskal garraiolariek bat egin dute astelehenetik aurrera Estatu osorako deitutako greba mugagabearekin
Garraiolarien Hiru sindikatuak eta TRADISNA Nafarroako Garraiolarien Elkarteak Espainiako Garraioaren Defentsarako Plataformak deitutako lanuzte mugagabearekin bat egitea erabaki dute. Hiru-k Altsasun egin duen asanbladan hartu du erabakia, dagoeneko "eutsi ezinezkoa" den sektorearen egoerari aurre egiteko xedez.
Astelehenetik aurrera, beraz, gelditu egingo dira kamioi eta furgonetak, lanera bueltatzeko datarik gabe, momentuz. Bi helburu nagusi ditu greba honek: batetik, kargatzaileak presionatzea, garraioaren tarifak egungo koseetara egokitzeko, eta, bestetik, Nafarroako eta EAEko gobernuei sektoreak biziraun dezan beharrrezko dituen neurriak har ditzaten eskatzeko.
Hiru sindikatuko kide Alberto Núñez Corralek adierazi duenez, "egoera kritikoa da, erregaiaren prezioen igoerak ezinezko egiten du garraioa gaur egungo tarifetan"; azaldu duenez, "ez dago irabazirako inongo margenik, kasu batzuetan, ez da gastuak berdintzeko ere ateratzen".
Patxi Agirre garraiolariak salatu du sektorea "hankaz gora" dagoela eta "erabat abandonatua". Egoera "eutsiezina" dela ohartarazi du. "Enpresa batzuk ekoizpena gelditzeko aukera aztertzen ari dira jada, ekoizpen kosteak berdindu ezin dituztelako, bada gu dagoeneko egoera horretan gaude", esan du Agirrek. Gogorarazi duenez, "enpresek euren merkantzia mugi dadin nahi badute, ezinbestekoa da garraio tarifak erregai prezioen igoeretara egokitzea".
Lanuzteaz gain, mobilizazioak iragarri dituzte euskal garraiolariek, Espainiako plataformaren eta sindikatuaren eskakizunak "osagarriak" direlako HIRU kide Jon Altunak azaldu duenez. Hala, astehelenean Iruñean eta asteazkenean Gasteizen protestak egingo dituzte administrazioei neurriak eskatzeko.
Altunak azpimarratu duenez, lortu nahi dena da "inork ez dezala kosteen azpitik lanik egin". Horretarako klausula bat eskatzen dute, "automatikoki egunera dadin garraioaren prezioa gasoilaren prezioaren arabera".
Azpimarratu duenez, "nahiz eta Madrilen akordio bat egin eta adostu tarifak igo behar direla, gero, finean garraiolari bakoitza da bere bezeroarekin negoziatu behar duena". Horregatik, aurreratu duenez, Hiru-k garraiolariei bezeroekin negoziatzeko prozesu horretan lagunduko die.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.