Bruselak argindarra eta gasa bereiziko ez dituela deitoratu du Tapiak, eta bilera "hankamotz" geratuko dela
Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak deitoratu egin du Bruselak argindarraren eta gasaren prezioa ez bereiztea energiaren enkantean, hori baita, horren ustez, salneurria jaisteko gakoetako bat. Beraz, gaur Europako Kontseiluak duen bilera "apur bat hankamotz" geratuko dela uste du. "Bilera zaila izango da, ez da batasunik izango", aurreikusi du.
Tapiaren hitzetan, beharrezkoa den neurri bat hartu behar ez badute, hitzordua "porrot batekin abiatuko da". "Ea Europar Batasuna kapaz den beste neurri batzuk adosteko egoera hori konpontzeko", erantsi du.
Radio Euskadiko "Boulevard" saioari eskainitako elkarrizketa batean, egoera ekonomikoaz mintzatu da sailburua, eta "landu beharreko hiru kontu" aipatu ditu: energiaren prezio "oso altuak", Ukrainako gerrak eragindako hornidura zailtasunak, eta Espainiako Estatuko garraiolarien greba. Azken horrek, Tapiaren arabera, "egoera errematatu du". Horren aurrean, neurriak "lehenbailehen" hartu behar direla adierazi du. "Gaur goizean, arratsaldean baino hobeto, eta astelehenean egin izan balitz, hobeto", esan du.
Neurririk hartu ezean, "egoera jasangaitza izango da", Tapiaren esanetan. "Honi ezin diogu eutsi", gaineratu du.
Hiru sindikatuak Jaurlaritzari eta aldundiei eskatu dizkien neurriak ahotan, esan du ez direla greba honen arazoak, "estrukturalak" baizik. Horren ildoan, eta garraiolariei ezarritako bidesariak jaisteko edo murrizteko eskaeraz, gogorarazi du bidesariek Europako zuzentarau bat dutela oinarri, "kutsatzen duenak ordaintzen du" printzipiopean. Tapiaren aburuz, "oraingo krisi honetan ezin dugu inportantea ahaztu: klima aldaketaren kontrako borroka".
Azkenik, Espainiako Gobernuak Sahararen auzian izan duen jarrera aldaketak gasaren horniduran izan ditzakeen ondorioez galdetu diote Tapiari. "Espero dut Aljeriaren gas barik ez geratzea, espero dut (Espainiak) ondo lotuta edukitzea kontua". Izan ere, Errusiako gasarekin gertatzen ez den bezala, Afrikako herrialde horren gasaren "erabateko menpekotasuna" du Euskadik.
Albiste gehiago ekonomia
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.