Garraioaren sektorea hobetzeko neurriak negoziatuko ditu Hiruk Eusko Jaurlaritzarekin eta foru aldundiekin
Arabako, Bizkaiko eta Gipuzkoako garraiolari autonomoek negoziazio bat abiatuko dute Eusko Jaurlaritzarekin eta foru aldundiekin, garraio-sektorea hobetzeko neurriak adosteko asmoz. Edonola ere, Hiru sindikatuak zehaztu du greban segituko dutela.
Lanuzte mugagabea hasi zenetik hamargarren egunean, Hiruk mobilizazioa egin du gaur goizean Eusko Jaurlaritzaren egoitzaren aurrean, Gasteizen. Sindikatuko ordezkariek Pedro Marco Garraio sailburuordearekin biltzeko aukera izan dute.
Aurreikusita ez zegoen batzarra amaitu ostean, Alberto Nuñez Hiruko ordezkariak jakinarazi du Eusko Jaurlaritzak konpromisoa hartu duela garraiolariekin elkarrizketak abiatzeko eta negoziazio-mahai horretan foru aldundiek ere parte hartuko dutela erantsi du.
Gasolioaren prezioaren gorakada gelditzea Espainiako Gobernuaren esku badago ere, Nuñezek azpimarratu du euskal erakundeek beste hainbat neurri har ditzaketela kamioilarien lan-baldintzak hobetzeko.
Erregaien prezioaren etengabeko garestitzea "urak gainezka egiteko falta zen azken tanta" izan dela adierazi du. "Baina greba hau ez da gasolioaren preziogatik, 20 urte abandonatuta daramatzagula salatzen ari gara", azaldu du.
Hala ere, eta biharko bileran Espainiako Garraio Ministerioa eta garraiolarien ordezkariak gasolioaren prezioaren gorakada eteteko akordio bat egin arren, Hiruk grebari eutsiko dio, beste hainbat gai eztabaidatu behar dituztelako eta lanuztea bertan behera uzteko erabakia greba deitu zuen Estatuko Garraio Sektorearen Aldeko Plataformari dagokiolako.
Ildo horretan, Nuñezek gogora ekarri ditu zeintzuk diren garraiolarien aldarrikapen nagusiak, gasolioaren prezioa mugatzeaz gain: bidesariak kentzea edo murriztea, 60 urterekin erretiroa hartzeko diru-laguntzak, berankortasuna eta ez ordaintzea saihesteko neurriak eta langileen trebakuntza arautzea.
"Jaurlaritzak baditu dagoeneko mahai gainean gure aldarrikapenak. Ez diogu aparteko ezer eskatuko, euskal erakundeen arteko koordinazioa eta lan egitea ahalbidetuko digun plan bat besterik ez dugu nahi", berretsi du.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".