Gatazka amaitutakoan ere prezio altuekin lan egin beharko duen beldur da EAEko industria
Industria Abagunearen Behatokia osatzen duten Euskadiko 16 klusterrek Eusko Jaurlaritzari helarazi diotenez, baikortasun orokorreko seihileko baten ostean, Ukrainako gerrak ziurgabetasuna ekarri du etorkizuneko aurreikuspenetara, batez ere funtsezko hiru esparrutan: energia, lehengaiak eta logistika.
Hala, 2022a "urte zaila" izango dela aurreikusi dute, gatazka belikoa amaituta ere, energiak eta lehengaiek garesti egoten jarraituko dutela uste baitute.
Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak prentsaurrekoa eskaini du Behatokiaren bileraren ondotik, eta EAEko industriak egindako diagnosia zertan den azaldu du.
"Esan digutenez, gatazka belikoa konponduta ere, baliteke 2022an energia aurre urteetan baino garestiago egotea, baita lehengaiak ere", argitu du.
Tapiaren esanetan, industria enpresek azpimarratu diete gerrak "arazoa larriago" egin duela, baina aurretik "egoera konplikatua" zela.
EAEko industriak jakin badaki, sailburuak nabarmendu duenez, prezio altu horietan ekoitzi beharko duela aurrerantzean ere. "Baten batek aipatu du modu eraginkorragoan eta produktiboagoan ekoitzi beharko genukeela", erantsi du.
Zure interesekoa izan daiteke
LABek bertan behera utzi ditu Nafarroako ikuskizunen sektoreko bi greba egunak, negoziazioari berriro ekin ondoren
Gabonetako erosketen ondorioz, abenduan ohi baino % 23 gehiago gastatzen dute familiek
Itoiztik Erriberara: 354 milioi euro Nafarroako ubidearen proiekturako
Espainiako Gobernuak soldaten sekretuarekin amaitu du
Eusko Jaurlaritzak aurrekontuen negoziazioa amaitutzat eman du, oposizioarekin akordiorik lortu gabe
Aurtengo iraila azken hamar urteetako onena izan da esportazioei dagokienez, Jaurlaritzaren arabera
Adifen arabera, grebak % 6,04ko eragina izan du Euskadin goizeko txandan, eta % 15,56koa gauekoan