Gerrak gehien kaltetutako sektoreentzat "premiazko" neurri fiskalak adostu dituzte hiru aldundiek
Arabako, Bizkaiko eta Gipuzkoako foru aldundiek "premiazko neurri sorta" adostu dute Ukrainako gerraren ondorio ekonomikoei aurre egiteko. Zehazki, 5,4 milioi euro inguruko zuzeneko laguntzak emango dizkiote lehen sektoreari, eta zerga gerorapenak eta salbuespen fiskalak jarriko dituzte langile autonomoen, mikroenpresen eta enpresa txikien esku.
Ramiro Gonzalez, Unai Rementeria eta Markel Olano, hurrenez hurren, Arabako, Bizkaiko eta Gipuzkoako ahaldun nagusiek agerraldi bateratua eskaini dute Arabako foru jauregian neurriok aurkezteko. "Salbuespeneko egoera batean egiten dugun salpuespeneko agerraldia da hau", nabarmendu du Gonzalezek, eta neurriak "aldi baterako" hartu dituztela erantsi.
Zehaztu dutenez, hiru aldundietako gobernu bileretan datorren astean onartuko dituzte neurriok eta "berehala" sartuko dira indarrean. Guztira, aldundien kalkuluen arabera, 165 milioi euroko balioa duten neurriak dira adostutakoak.
Hiru ahaldun nagusiek Ukrainako inbasioa gaitzetsi dute, eta gerrak eragindako ondorio ekonomikoei aurre egiteko foru erakundeen "erantzun bateratua" aldarrikatu. Neurrion asmoa eragile ekonomikoen likidezia indartzea da, "arnasa ematea", Markel Olano Gipuzkoako ahaldun nagusiak nabarmendu duenez. Ramiro Gonzalez Arabako ahaldun nagusiak azpimarratu duenez, "gure eskumenen esparruan egin dugu: fiskalitatearekin". Unai Rementeria Bizkaiko ahaldun nagusiak aitortu du neurriok "diru bilketan eragina" izango dutela (160 milioi gutxiago aurreikusi dituzte) baina orain "dagokiena" dela azpimarratu du: "Baliabideek gehien behar dutenen esku jarraitu dutela, gehien behar dutenean".
Lau eremutan hartuko dituzte neurriak:
Gerorapenak zergak ordaintzeko
Langile autonomoek, mikroenpresek eta enpresa txikiek aparteko gerorapena izango dute zergak ordaintzeko, eta ez dute bermerik aurkeztu beharko. Gainera, gerorapen horiek ez dute interesik sortuko. Halaber, hiru hilabete igarota hasi ahalko dira zenbatekoak itzultzen eta sei hileko kuotatan egin ahalko da ordainketa.
PFEZren ordainketa
Jarduera ekonomikoak egiten dituzten pertsona fisikoak ez dira behartuta egongo Pertsona Fisikoen Errentaren gaineko Zergaren (PFEZ) ordainketa zatikatuak autolikidatu eta ordaintzera urteko lehen bi hiruhilekotan.
Energia gastuak konpentsatzeko neurriak
Energiaren eta erregaien garestitzeari aurre egiteko gastua handitu behar izan duten mikroenpresa eta autonomoek euren zerga-oinarria murrizteko aukera izango dute, dela Sozietateen gaineko Zergan, dela PFEZan. Horretarako gastuak konpentsatzeko "forbait"a handituko dute aldundiek. "Forfait"aren handitzeak indar berezia izango du salgaien errepidezko garraioan, nekazaritzan eta abeltzaintzan, hiru lurraldeetan % 70eraino igotzen baita. "Forfait" orokorra, bai PFEZan (langile autonomoak), bai Sozietateen gaineko Zergan (mikroenpresak), % 15eraino igotzen da.
5,4 milioi euroko dirulaguntzak lehen sektorearentzat
Nekazaritza eta abeltzaintzari zuzenduta dirulaguntza lerro berri bat irekiko dute: 2,5 milioi euro Araban; 1,2 milioi euro, Bizkaian, eta 1,7 milioi euro, Gipuzkoan.
Albiste gehiago ekonomia
Correosek aldi baterako etengo ditu balio txikiko paketeen bidalketak Estatu Batuetara eta Puerto Ricora
Correosek ostiral honetan ohar baten bidez jakitera eman duenez, Estatu Batuetako aduana-arauak aldatu dira, balio txikiko bidalketei aplikatzen zitzaien muga-zergen salbuespena kentzeko. Ondorioz, Correos-ek mota horretako bidalketak 24ko (igandea), 23:59ra bitartean soilik onartuko ditu.
AEBko banku zentrala interes-tasak jaistea aztertzen ari da
Jerome Powell Erreserba Federaleko presidenteak Trumpen garaiko lehen murrizketa iradoki du, eta New Yorkeko burtsak gora egin du.
Grebari amaiera emateko enpresaren eta Udalaren jarrera “arduragabea” kritikatu dute Gasteizko lorezainek
Ohartarazi dutenez, "ez da gatazkaren amaiera ikusten" eta euren lan-aldarrikapenak babesteko herritarren sinadurak biltzen hasi dira.
Europar Batasunak akordio formala itxi du AEBekin % 15eko muga-zerga orokorrerako
Automobilei muga-zergak murrizteko, baldintza da AEBko nekazaritza-produktu eta elikagaiei zergak kentzea.
Sindikatuek 138.000 sinadura baino gehiago aurkeztu dituzte Eusko Legebiltzarrean, gutxieneko soldata propioa eskatzeko
ELA, LAB, ESK, Steilas, Hiru eta Etxalde sindikatuek espero dute alderdi politikoek ekimena babestea eta Eusko Legebiltzarrak proposamena urtea amaitu aurretik onartzea.
Turista eta ostatu-gau gehiago uztailean, EAEko hoteletan
Aurtengo uztailean, mundu zabaleko hainbat herritako bisitarien kopuruak gora egin du, eta Espainiako Estatutik etorritakoen kopuruak, ordea, behera. Bestalde, 2025eko lehen zazpi hilabeteetan, sarreren eta ostatu-gauen kopuruak handitu dira, % 4,0 eta % 4,8, hurrenez hurren.
EHAAk Gasteiz bizitegi-merkatu tentsionatuko eremu izendatzeko prozedura argitaratu du
Orain alegazioak aurkezteko 20 eguneko epea irekiko da. Donostia dagoeneko ofizialki izendatu dute eremu tentsionatu, eta, Bilbori dagokionez, berriz, maiatzaren 30ean argitaratu zen prozeduraren hasiera EHAAn.
Zangozako Mina Muga meategian 270 milioi euroko inbertsioa egiteari uko egin dio Txinako Qinghai taldeak
Geoalcali filialaren bitartez, Mina Muga proiektuaren sustatzaile den Highfield Resources Limitedek ziurtatu du inbertitzaileekin hitz egiten eta finantzaketa aukera berriak aztertzen ari dela proiektuarekin aurrera jarraitzen saiatzeko.
Sagarrondoak eguzki plaken azpian: Sagardo sagarrak ekoizteko lehen instalazio fotovoltaikoa jarriko dute Gasteizen
Iberdrolaren proiektu aitzindaria da, eta energia elektriko berriztagarria ere ekoitziko du. Egitura berri horrek sagarrondoei itzala emango die, sagarraren kalitatea hobetuz.
Alstom multinazionalak berriro helegitea aurkeztu du Belgikako kontratua CAFi esleitzeko erabakiaren aurka
Konpainia frantziarrak argudio berriak azaldu beharko dizkio Belgikako Estatu Kontseiluari, orain arte organo horrek Beasainen egoitza duen enpresaren alde egin izan baitu.