Gasolinak eta gasolioak historiako Aste Santurik garestiena izango dute nahiz eta beherapena aplikatu
Gasolinak eta gasolioak historiako preziorik altuenak izango dituzte Aste Santuan, nahiz eta Espainiako Gobernuak litroko 20 zentimoko beherapena ezarri. Hala ere, bi erregaiek 2012ko errekorren gainetik jarraitzen dute.
Aste Santuko irteera operazioaren hasieran, erregaien prezioek markak hausten jarraitzen dute, nahiz eta duela astebete indarrean sartu zen beherapenak kontsumitzaileei arnas pixka bat hartzeko aukera eman. Trafiko Zuzendaritza Nagusiak 14,6 milioi joan-etorri espero ditu apirilaren 18ra arte.
Trantsizio Ekologikorako Ministerioko datuen arabera, behin beherapena aplikatuta, gasolinak batez beste litroko 1,584 euro balio ditu, eta gasolioak 1,605 euro.
Espainiako Estatu osoko ia 11.000 gasolindegitako prezioak biltzen ditu atariak denbora errealean. Aste Santu batean historiako preziorik garestienak dituzte gasolinak zein gasolioak, 2012an jasotakoen gainetik. Orduan gasolinak 1,475 euroko salneurria zuen, eta gasolioak 1,372 euroko prezioa.
Hala ere, erregaien prezioari Espainiako Gobernuak onartutako beherapena aplikatuko ez balitzaio, gasolinak batez beste 1,784 euroko prezioa harrapatuko luke, eta gasolioak 1,805 eurokoa.
Zentzu horretan, hobariari esker 55 litroko depositu bat gasolinarekin betetzeko 87 euro ordaindu beharko dira irteera operazioaren lehen fasean, gaurtik igandera bitartean. Gasolioarekin betetzeko, aldiz, 88 euro pagatuko dira. Gauzak horrela, litroko 20 zentimoko beherapenik gabe baino ia 11 euro gutxiago beharrezkoak dira depositua gasolinarekin zein gasolioarekin betetzeko.
2019, 2020 eta 2021an baino garestiago
Nahiz eta erregaien prezioek azken hilabetean atseden txiki bat eman, urte hasieran 11 aste jarraian gora egin ondoren, aurreko urteetako salneurriak aise gainditzen dituzte.
2019an, Aste Santua hasieran, azkena pandemia baino lehen, gasolinak 1,325 euroko prezioa zuen, eta gasolioak 1,238 euroko salneurria, % 16 eta % 23 merkeago, hurrenez hurren, gaurko prezioekin alderatuta (20 zentimoko beherapena aplikatuta).
2020an, prezioek behera egin zuten, Espainian zein Europa osoan mugikortasun murrizketak eta itxialdiak indarrean zirelako. Orduan gasolinak 1,121 euroko prezioa zuen, eta gasolioak 1,038 eurokoa, hau da, aurtengo Aste Santuan baino % 29 eta % 35 merkeago, hurrenez hurren.
2021ean, gasolinak 1,31 euroko prezioa zuen, baina % 17 merkeagoa zen Aste Santuaren hasieran. Gasolioak 1,18 euroko salneurria zuen, orain baino % 26 merkeagoa.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.