Europako Banku Zentralak uztailean amaituko du zorraren erosketa
Europako Banku Zentralak (BZE) ostegun honetan baietsi duenez, hirugarren hiruhilekoan amaituko du zorraren erosketa, "inflazioa nabarmen areagotu delako, eta handia izaten jarraituko duelako datozen hilabeteetan zehar".
Hain zuzen ere, % 7,5ean areagotu zen inflazioa martxoan eurogunean, aurreikuspena % 6koa bazen ere.
Gobernu Batzordearen bileraren ostean, moneta politikarako baliabide guztiak aldaketarik gabe mantentzea erabaki du erakundeak, martxoan aldatutako bide orriarekin jarraitzeko. Berrikuntza gisa, nabarmendu du moneta politikako hurrengo erabakiak "aukeratasunez, gradualtasunez eta malgutasunez" egingo direla.
Hala, EBZk 40.000 milioi euroko erosketa garbiak egingo ditu; maiatzean 30.000 milioira jaitsiko dira eta ekainean, berriz, 20.000 milioira. Data horren ostean, hirugarren hiruhilekoan, aktiboen erosketa garbiekin amaitzea aztertuko du erakundeak, aktibo publikoen erosketa programaren baitan.
Azken erabakia aukeren ebaluazioaren araberakoa izango da, baina erakundeak azpimarratu duenez, eskuragai dauden datuek erosketak hirugarren hiruhilekoan bukatzeko "asmoa indartzen" dute.
Era berean, BZEk jakinarazi du asteroko interes tipoa % 0an mantendu duela, kreditu erraztasun marjinalarena % 0,25ean eta gordailuaren erraztasuna, berriz, % -0,25ean.
"Errusiak Ukrainari egindako erasoa sufrimendu handia eragiten ari da. Era berean, Europako eta beste hainbat tokitako ekonomiarengan eragina izaten ari da. Gatazka eta gatazkari lotutako ziurgabetasuna larriki urratzen ari dira enpresen eta kontsumitzaileen konfiantza", adierazi du EBZk.
Zure interesekoa izan daiteke
Zer da absentismoa? Patronalaren eta sindikatuen arteko talkaren arrazoiak
Confebaskek dio Europako absentismo tasarik handienetako bat dagoela; sindikatuek, berriz, patronalak egiten duen definizioa bera zalantzan jartzen dute. “Kopurua oso apala da”, diote.
Euskadi dago lan-absentismoaren tontorrean, % 9,4ko zifrarekin
Nafarroak, berriz, % 7,4ko absentismoa du eta azken bost urteetako daturik altuenera iritsi da. Bi erkidegoek gainditzen dute Espainiar Estatuko batez bestekoa.
Maderas de Llodioko langileak lanera itzuli dira 284 eguneko grebaren ostean
Enpresa batzordea eta Garnica akordio batera iritsi ziren joan den astean, lanera itzuli nahi izan duten kaleratuek itzultzeko aukera izan zezaten.
Renferen aldiriko trenak Hendaiara iritsiko dira urrian eta Frantziako abiadura handikoak Irunera, urtarrilean
Brinkola-Irun lineako trenak Hendaiara iristea ahalbidetuko duen akordioa sinatu berri dute Espainiako Garraio Ministerioak eta SNCF Frantziako tren konpainiak, Parisen. Era berean, TGV konpainiako tren lasterrak Gipuzkoako udalerrira arte helduko dira datorren urtetik aurrera.
Talgok eta Renfek 132 milioiko akordioa sinatu dute eta Avril trenen kontratu polemikoa itxitzat eman dute
Akordioaren arabera, Talgok 200 milioi euro jasoko ditu hiru hilabeteko epean, eta Renferekin zuen zigorra 2032an hasiko da ordaintzen.
Gizarte Segurantzako afiliatuen kopuruak gora egin du Euskadin eta Nafarroan, baina langabeziak ere gora egin du
Gipuzkoak izan du langabeen kopuruan gehikuntzarik handiena, eta Bizkaia da nagusi kotizatzaile berrien esparruan. Arabak, aldiz, balantze negatiboa du bi adierazleetan.
Gaurtik aurrera eskatu ahal izango dute Euskadiko familiek seme-alabengatiko 200 euroko dirulaguntza
Seme-alabak 4 urte izan arte luzatuko da laguntza hori, eta lehen aldiz tutoretza- eta harrera-familiei zabalduko zaie. Guraso bakarreko familien kasuan, gainera, seme-alabak 4 eta 7 urte izan bitartean, hilero 100 euroko laguntza jaso ahal izango dute.
Aldundiek eskumena izango dute beste lurraldeetako ibilgailu gidaridunen zerbitzua ematen duten enpresak zigortzeko
Euskadiko Garraio Agintaritzak protokolo bat adostu du VTC zerbitzuetan ikuskapenak eta zehapenak koordinatzeko.
Uztailaren 7an sartuko da indarrean Tubacexen lan-erregulazioa, langile-batzordearekin akordiorik lortu gabe
Aldi baterako lan-erregulazioak 430 langileri eragingo die. ELA sindikatuak iragarri du helegitea prestatzen hasiko dela, eta LAB egoera aztertzen ari da bere zerbitzu juridikoekin.
Jainagak eta Tubacexek Tubos Reunidos erosteko interesa erakutsi dute
Bilboko enpresariak eta Laudioko konpainiak erosketa prozesuaren lehen izapidea bete dute; eskaintza bat aurkeztu aurretiko interesa agertu dute.