Eusko Jaurlaritzak enpresen dibertsifikazioa eta birkokatzea sustatzeko dirulaguntzak bikoiztu ditu
Eusko Jaurlaritzak "Bilakatu covid-19" programako dirulaguntzak bikoiztuko ditu, hasiera batean aurreikusitako 25 milioi euroko kontu-sailari beste 27 milioi euro gehituta, Arantxa Tapiak Gobernu bileraren osteko prentsaurrekoan zehaztu duenez.
Dirulaguntza horiek covid-19ak kaltetutako enpresen dibertsifikazioa eta birkokatzea bultzatzea eta enpresa horiek gaitasun berriak garatzea dituzte helburu. Tapiaren arabera, dibertsifikazioaz gain, enpresek "atzerrian ekoizten den zerbait berriro Euskadira ekartzea edo inguratzea" da helburua, "bertan ere balio-katea hurbilago izateko"; izan ere, Ukrainako gerrak eragindako hornikuntza arazoek erakutsi dute balio-katea hurbilago izateko garrantzia, sailburuaren hitzetan.
Ekonomiaren Garapen, Jasangarritasun eta Ingurumen sailburuaren hitzetan, 20 egunean bakarrik 117 eskaera jaso zituzten (kopuru handia, Jaurlaritzaren arabera), eta diru kupurua igo egin behar zela ikusi zuten, "ahalik eta eskabide gehienei erantzun ahal izateko".
Ukrainako gerrak ekonomian eta gizartean izan dituen ondorioei aurre egiteko Jaurlaritzak onartutako funtsaren barruan hartu dute "Bilakatu" programari, guztira, 52 milioi euro bideratzeko erabakia, "industria-arloko gaitasun berriak dibertsifikatzeko eta birkokatzeko inbertsioak gauzatzea sustatzera, hazkuntza jasangarria lortzeko eta horrek balio erantsia izan eta euskal enpresek merkatuetan duten lehiakortasuna hobetzeko".
Zure interesekoa izan daiteke
Babestutako alokairuko etxebizitza eskuratzeko gehienezko diru-sarrera 46.463 euroraino igoko da
Eusko Jaurlaritzak etxebizitzaren arloko "ezkutu soziala" onartuko du bihar, Premiazko Neurriei buruzko Dekretuarekin. Besteak beste, jabeek jasoko duten kanona 700 eurokoa izango da, eta gune tentsionatuetan handiagoa izango da.
LABek neurriak eskatuko ditu etxebizitza, zerbitzu publiko, pentsio eta soldata arloetan "bizimodu duina" bermatzeko
26 manifestazio deitu ditu Maiatzaren Lehenerako, eta Pradales "Urkulluren kopia antisozialagoa eta autoritarioagoa" bihurtu dela salatu du.
Talgok 756 milioi euroko kontratua sinatu du, Suedian tren flota bat ekoizteko
Kontratu honekin, Talgoren eskaera zorroak 6.500 milioi eurora iritsi da, inoizko gehien.
Gaurdanik, Donostiako Ospitaleko eta Txagorritxuko medikuek ez dute aparteko ordurik egingo arratsaldeko txandan
Bestalde, Zumarragako Ospitaleak apirilaren 27tik aurrera egingo du bat protestarekin; eta Bizkaiko ospitaleek, maiatzetik hasita. Indarrean duten grebak "furiturik eman ez duela" ikusita erabaki dute neurri hori hartzea.
Petrolioa % 5 baino gehiago igo da, 95 dolarreraino, eta Europako burtsetan beherakada izatea aurreikusi da
Estatu Batuen eta Iranen arteko gatazka gaiztotu egin da berriro astelehen honetako lehen orduetan eta eragina izan du horrek petrolioaren prezioan. Ormuzko itsasartean tentsioa areagotu da, AEBk Omango golkoan tona askoko Irango zamaontzi bat jo baitu. Washingtonek Irango portuen gainean ezarritako blokeoa gainditu nahian zihoan ontzia.
Zumarragako Ospitaleko medikuek ez dute arratsaldetan aparteko ordurik egingo apirilaren 27tik aurrera
"Presio-neurri" berri bat da, Medicos Unidos por sus Derechos (MUD) erakundeak sustatua, eta medikuek hilero egiten duten grebari gehitzen zaio, esparru-estatutu bat lortzeko eta, aldi berean, autonomia-erkidegoek jada ezar ditzaketen hobekuntzak egiteko helburuarekin.
Inbertsioak eskatu dituzte Bilbon eta Gasteizen, osasun publikoa desegin ez dadin
Osasun publikoaren aldeko 68 erakundek manifestazioak egin dituzte Bilbon eta Gasteizen, EH Bildu, Podemos eta Sumar alderdien eta hainbat sindikaturen babesarekin. Protesta horietan, Alberto Martinez Osasun sailburuaren dimisioa ere eskatu dute.
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.