Europako funtsak "arintasun eta zentzutasun handiagoz" heltzea espero du Azpiazuk
Pedro Azpiazu Eusko Jaurlaritzako Ekonomia eta Ogasun sailburuak EBren Next Generation funtsaren baliabideak orain arte baino "arintasun eta zentzutasun handiagoz" etortzea nahi du, zailtasun ekonomikoen aurrean, "uneak arina eta eraginkorra izatea eskatzen baitu".
Sailburuak azaldu duenez, orain arte, Eusko Jaurlaritzak ez du banaketan parte hartzerik izan, ez baitzaie ardurarik eman autonomia-erkidegoei, "Europak eskatzen zuen bezala".
Azpiazuren esanetan, funtsen % 3,88 EAEra iritsi da, eta ehuneko hori ez dator bat autonomia-erkidegoko biztanleriaren edo errentaren moduko datu objektiboekin.
"Hala eta guztiz ere, espero dezagun 2022tik aurrera zuzentzea eta benetako baliabideak eskura izatea", adierazi du sailburuak.
Azpiazuk Next Generation Euskadi programari buruzko informazio guztia eskuratzeko web orri berri baten aurkezpenean eman ditu datuak. Suspertze eta Erresilientzia Mekanismoekin (SEM) zerikusia duten funtsak eskuratzeko interesa duten eragileek deialdiak, lizitazioak eta laguntzak arintasunez aurkitzeko bide erraz bat izatea" da webgunearen helburua.
Jaurlaritzaren nahia da funtsak "ekimen eraldatzailetan, datozen belaunaldientzat etorkizun-agertoki bat ziurtatuko duten ekimenetan, hezurmamitzeko".
Sagunteko (Valentzia) gigafaktoria batean egindako inbertsioak EAEn eraginik izango ote duen galdetuta, Azpiazuk azaldu du proiektuan badaudela "euskal enpresa batzuk" daudela, baina nahiago lukeela autonomia-erkidegoan egitea. Sailburuak Euskadiko inbertsioak aurrera ateratzea espero du, ez baitu espero inbertsio horren eta EAEn egin beharreko beste batzuen artean "bateraezintasunik" egotea.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.